LESONI 16
Vakaraitaka ni o Lomana na Kalou
Me rawa ni dei vei iko o nomu itokani, e bibi mo drau dau veivosaki. O rogoci koya, e rogoci iko tale ga o koya. O na dau tukuna tale ga vei ira na tani na ka vinaka e baleti nomu itokani. Oqo tale ga na ka eda na cakava ke da itokani ni Kalou. Raica mada na ka e kaya kina na iVolatabu:
Dau masu vakawasoma vei Jiova. “Ia tikoga na masu.”—Roma 12:12.
Wilika na Vosa ni Kalou, na iVolatabu. “Sai koya na Kalou sa vakavuna nai Vola Tabu kecega, a sa yaga oqo mei vakavuvuli, me vunauca na ca, me ia kina na vakadodonutaki.”—2 Timoci 3:16.
Tukuni koya na Kalou vei ira na tani. “Dou lako yani ka qisi ira me ra noqu tisaipeli na lewe ni veivanua kece ga, . . . vakavulici ira me ra Maciu 28:19, 20, VV.
muria na veika kece ga au sa vakarota tu vei kemudou.”—Toro voleka vei ira na itokani ni Kalou. “Ena vuku mai ko koya sa malele vata kei ira na vuku.”—Vosa Vakaibalebale 13:20.
Dau tiko ena soqoni ena Kingdom Hall. “Me da veivakananumi keda vakai keda me da veivakatakatai me dauloloma kai valavala vinaka: . . . me da veivakamasuti tiko.”—Iperiu 10:24, 25.
Dau cau ena cakacaka ni Matanitu ni Kalou. “Me ra dui solia me vaka na ka sa vinakata ko koya yadua e na yalona; me kakua e na voraki, se ni sa vakasaurarataki: ia ko koya sa solia e na marau sa vinakata na Kalou.”—2 Korinica 9:7.