LESONI 38
Mareqeta na iSolisoli ni Bula
E levu na ka totoka eda rawa ni marautaka. Ke da sotava mada ga na dredre, e se rawa tiko ga nida marau. Eda na vakaraitaka vakacava nida mareqeta na isolisoli ni bula? Na cava e bibi kina qori?
1. Na cava meda mareqeta kina na bula?
Ni qori e nona isolisoli na Tamada dauloloma o Jiova. E “ivurevure ni bula,” e bulia na ka kece. (Same 36:9) “Ni o koya ga e solia vei keda kece na bula, na icegu, kei na ka kece ga.” (Cakacaka 17:25, 28) O Jiova e solia vei keda na ka eda gadreva meda bula kina. Ia koya e bibi sara, e vakavuna meda marautaka na noda bula.—Wilika Cakacaka 14:17.
2. Eda na vakaraitaka vakacava vei Jiova nida mareqeta na isolisoli ni bula?
Mai na gauna o kunekunetaki kina, e kauaitaki iko o Jiova. E dua na dauveiqaravi ni Kalou o Tevita, e tukuna vei Jiova: “Na matamuni mada ga e raici au niu se kunekunetaki tiko.” (Same 139:16) E mareqeta vakalevu o Jiova na nomu bula. (Wilika Maciu 10:29-31.) Ena mositi koya vakalevu ke dua e nakita na nona vakamatea e dua tale, se vakamatei koya ga. a (Lako Yani 20:13) Ena mositi Jiova tale ga ke da dau vakaweleweletaka na noda bula, se da sega ni qaqarauni me taqomaki kina na nodra bula eso tale. Nida qarauna na noda bula da qai doka na nodra bula eso tale, eda vakaraitaka tiko nida mareqeta na isolisoli talei ni bula.
VAKEKELI
Dikeva eso na sala o na mareqeta kina na isolisoli ni bula.
3. Qarauna nomu bula
O ira na lotu vaKarisito papitaiso era solia na nodra bula mera qaravi Jiova. E vaka ga nira cabora tiko na yagodra me isoro vua na Kalou. Wilika Roma 12:1, 2, qai veivosakitaka na taro qo:
-
Na cava me uqeti iko mo qarauna na nomu bula?
-
Cava eso na sala o na cakava kina qori?
4. Mo qaqarauni me kua na mavoa se mate
E uqeti keda na iVolatabu meda qarauna eso na ka ena vakaleqa na noda bula. Sarava na VIDIO mo kila na ka mo cakava mo qaqarauni.
Wilika Vosa Vakaibalebale 22:3, qai veivosakitaka na sala mo qaqarauni kina kei ira eso tale . . .
-
e vale.
-
ena vanua ni cakacaka.
-
ni o qito.
-
ni o draiva se vodo tiko ena dua na motoka.
5. Doka na bula ni gone e buketetaki tiko
Ena dua na nona serekali o Tevita, e vola na nona kauaitaka o Jiova na nona bula e dua na gone, kei na nona tubu tiko e kete i tinana. Wilika Same 139:13-17, qai veivosakitaka na taro qo:
-
Ena rai i Jiova, e tekivu na bula ni tamata ena gauna e kunekunetaki kina se ni sa sucu?
Na lawa e solia o Jiova vei ira na Isireli e taqomaki ira na tina kei ira na gone se kunekunetaki tiko. Wilika Lako Yani 21:22, 23, qai veivosakitaka na taro qo:
-
Na cava na rai i Jiova ke dua e sega ni nakita na nona mate e dua na gone se bera ni sucu?
-
Ia na cava na nona rai ke dua e nakita qori? b
-
Cava o rawa ni tukuna me baleta na rai ni Kalou?
E rawa mada ga ni nanuma e dua na marama e mareqeta na isolisoli ni bula me vakalutu. Wilika Aisea 41:10, qai veivosakitaka na taro qo:
-
Ke tukuni vua e dua na marama ni iwali ga ni leqa na vakalutu, me kere veivuke vei cei? Na vuna?
KA ERA KAYA ESO: “E tu vei ira na marama na dodonu mera vakalutu. E sega ni dua e lewa na yagodra.”
-
O vakadeitaka vakacava ni o Jiova e mareqeta na nona bula o tina kei na luvena e buketetaka tiko?
KA O VULICA
Eda vulica ena iVolatabu meda lomana noda bula, da doka, qai taqomaka ni isolisoli talei i Jiova. E wili kina na noda bula kei na nodra bula eso tale.
Railesuvi
-
Na cava e talei kina vei Jiova na noda bula?
-
Na cava na rai i Jiova ke dua e nakita me vakamatea e dua tale?
-
Na cava o mareqeta kina na isolisoli ni bula?
IKURI
Eda na vakavinavinakataki Jiova vakacava ena isolisoli ni bula?
Ke dua na marama e vakalutu, ena vosoti koya na Kalou? Wilika na kena isau.
“Cava e Kaya na iVolatabu me Baleta na Vakalutu?” (Ulutaga ena jw.org)
Vulica na rai ni Kalou me baleta na bula ena ka ni veivakamarautaki eda digia.
“‘Na Qito Rerevaki’—O na Douvaka na Qito Rerevaki?” (Yadra!, 8 Okotova, 2000)
Vakacava ke dua e nanuma me vakamatei koya. Dikeva na sala ena vukei koya kina na iVolatabu.
“Vakacava e Yaga na iVakasala Vakaivolatabu Niu Via Vakamatei au Ga?” (Ulutaga ena jw.org)
a O Jiova e kauaitaki ira vakalevu na yalolailai. (Same 34:18) E kila vinaka na nona rarawa e dua me lai vakavuna na nona via vakamatei koya, e qai tu vakarau me veivuke. Mo kila na sala e rawa ni veivuke kina o Jiova, wilika na ulutaga “Vakacava e Yaga na iVakasala Vakaivolatabu Niu Via Vakamatei au Ga?” e tiko ena iKuri ni lesoni qo.
b O ira na vakalutu ena dua na gauna mera kua ni rarawataka vakalevu na ka era cakava—o Jiova ena vosoti ira. Ke o via kila e levu tale na ka, raica na ulutaga “Cava e Kaya na iVolatabu me Baleta na Vakalutu?” ena iKuri ni lesoni qo.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
