LESONI 43
Me Raica Vakacava na Lotu vaKarisito na Gunu?
E veiyasa i vuravura, e duidui na rai me baleta na gunu. a Eso era marautaka mera gunu kei na nodra itokani. Eso tale era vakatulewataka mera kua sara ga ni gunu. Ia eso tale era gunu me yacova sara nira sa mateni. Na cava na rai ni iVolatabu me baleta na gunu?
1. E cala nida gunu?
E sega ni vakatabuya na iVolatabu na gunu. E levu na veika vinaka e solia vei keda na Kalou. E kaya mada ga na iVolatabu ni ‘waini e vakamarautaka vakalevu na loma ni tamata.’ (Same 104:14, 15) Eso na tagane kei na yalewa yalodina era cavuti ena iVolatabu era gunu waini tale ga.—1 Timoci 5:23.
2. Na cava e tukuna na iVolatabu vei ira na vakatulewataka mera gunu?
E cata o Jiova na gunu vakasivia kei na daumateni. (Kalatia 5:21) E kaya na nona Vosa: “Mo kua ni maliwai ira na gunu waini vakasivia.” (Vosa Vakaibalebale 23:20) Ke da vakatulewataka meda gunu se gunu taudua mada ga, eda na sega ni gunu vakasivia me vakavuna noda sega ni vakasama vinaka, se meda sega ni lewa vinaka na noda vosa kei na ka eda cakava, se vakaleqa na noda bula. Ke da sega ni lewa vinaka noda gunu, sa vinaka ga meda kua ni gunu.
3. Eda na doka vakacava nodra vakatulewa eso tale me baleta na gunu?
Na noda gunu se sega, e noda vakatulewa sara ga. Meda kua ni vakalewa e dua e vakatulewataka me gunu ga vakarauta. Meda kua tale ga ni vakasaurarataka e dua e vakatulewataka me kua ni gunu. (Roma 14:10) Eda na sega ni gunu ke da na vakaleqai ira eso tale. (Wilika Roma 14:21.) Eda na ‘qara na ka e sega ni yaga ga vei keda, ia na ka e yaga vei ira eso tale.’—Wilika 1 Korinica 10:23, 24.
VAKEKELI
Dikeva na ivakavuvuli vakaivolatabu mo vakatulewataka mo gunu se kua kei na levu ni ka mo gunuva. Dikeva tale ga na ka mo cakava ke nomu leqa qori.
4. Vakatulewataka mo gunu se kua
E raica vakacava o Jisu na gunu? Mo kila na kena isau, dikeva na imatai ni nona cakamana. Wilika Joni 2:1-11, qai veivosakitaka na taro qo:
-
Ena cakamana qori, na cava eda vulica ena rai i Jisu me baleta na gunu, kei ira na vakayagataka na gunu?
-
E sega ni vakatabuya o Jisu na gunu. Ia ke dua e vakatulewataka me gunu, meda raica vakacava qori na lotu vaKarisito?
E rawa ni gunu na lotu vaKarisito, ia e sega ni kena ibalebale qori me sa gunu tu ga e veigauna. Wilika Vosa Vakaibalebale 22:3, qai vakatulewataka mo gunu se kua ena ituvaki qo:
-
Ni o draiva, se vakayagataka na misini lelevu.
-
Ni o bukete.
-
Ke tukuna o vuniwai mo kua ni gunu.
-
E dredre mo lewa vinaka na levu ni ka mo gunuva.
-
E sega ni vakatarai vakalawa mo gunu.
-
O tiko vata kei na dua e sega ni via gunu ni nona malumalumu qori.
Mo vakarautaka na gunu ena vakamau se so tale na soqo? Me vukei iko ena nomu vakatulewa, sarava na VIDIO.
Wilika Roma 13:13 kei na 1 Korinica 10:31, 32. Ni wiliki oti na tikinivolatabu yadua, veivosakitaka na taro qo:
-
Ena vukei iko vakacava na ivakavuvuli vakaivolatabu qo, mo vakamarautaki Jiova ena nomu vakatulewa?
Ena vakatulewataka na lotu vaKarisito yadua me gunu se kua. Eso na gauna ena gunu, eso tale na gauna ena vakatulewataka me kua
5. Vakatulewataka na levu ni ka mo gunuva
Ke o vakatulewataka mo gunu, qo na ka mo nanuma tiko: O Jiova e sega ni vakatabuya na gunu, ia e cata ga na gunu vakasivia. Na vuna? Wilika Osea 4:11, 18, qai veivosakitaka na taro qo:
-
Na cava ena yaco vua e dua ke gunu vakasivia?
Na cava meda cakava me kua kina nida gunu vakasivia? Ena vinakati meda yalomalumalumu meda kila na noda iyalayala. Wilika Vosa Vakaibalebale 11:2, qai veivosakitaka na taro qo:
-
Na cava e vinaka kina mo kila rawa tu na levu ni ka mo gunuva?
6. Ka mo cakava mo kua ni gunu kina vakasivia
Raica na ka e cakava e dua na turaga me muduka kina na nona gunu vakasivia. Sarava na VIDIO, qai veivosakitaka na taro tarava.
-
Ena vidio, e vakaleqa vakacava na itovo i Dmitry na gunu?
-
Vakacava e tu tu ga sa cegu na nona gunu?
-
Sa qai oti vakacava na nona daugunu?
Wilika 1 Korinica 6:10, 11, qai veivosakitaka na taro qo:
-
Na cava na itinitini ni daumateni?
-
Eda kila vakacava ni rawa nira veisau na daugunu vakasivia?
Wilika Maciu 5:30, qai veivosakitaka na taro qo:
-
Ni tukuni ena vosa vakatautauvata me dua e muduka na ligana, e dusia ni na cakava na veiveisau se vakuai koya me vakamarautaki Jiova. Na cava o rawa ni cakava ke dredre mo lewa vinaka nomu gunu? b
Wilika 1 Korinica 15:33, qai veivosakitaka na taro qo:
-
Era na vakaleqai iko vakacava na nomu ilala ena gunu?
KE TAROGA E DUA: “E cala na gunu?”
-
O na sauma vakacava?
KA O VULICA
E vakarautaka o Jiova na gunu meda marautaka. Ia e cata na gunu vakasivia kei na mateni.
Railesuvi
-
Na cava na rai ni iVolatabu me baleta na gunu?
-
Na cava na rerevaki ni gunu vakasivia?
-
Eda na doka vakacava na nodra vakatulewa eso tale me baleta na gunu?
IKURI
Era na vakatulewa vinaka vakacava na itabagone me baleta na gunu?
Dikeva na ka o rawa ni cakava mo kua ni gunu vakasivia.
“Me Donu Tiko ga Noda Rai me Baleta na Alakaolo” (Na Vale ni Vakatawa, 1 Janueri, 2010)
E dodonu mera lave bilo ni vakanuinui vinaka na lotu vaKarisito?
“Taro na Dauwiliwili” (Na Vale ni Vakatawa, 15 Feperueri, 2007)
Wilika ena ulutaga “Au Vakabeleti ena Gunu,” na nona biuta e dua na turaga na gunu vakasivia.
“E Veisautaka na Bula na iVolatabu” (Na Vale ni Vakatawa, 1 Me, 2012)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
