LESONI 53
Ka ni Veivakamarautaki e Marautaka o Jiova
E “Kalou mamarau” o Jiova. (1 Timoci 1:11) E vinakata meda marau, meda marautaka tale ga noda bula. E marautaka ni tiko na gauna meda vakacegu kina. Ena lesoni qo, eda na vulica na sala meda vakayagataka kina noda gauna galala. Me rawa nida marautaka qai vakila kina na vakacegu, me marautaka tale ga o Jiova.
1. Na cava meda nanuma tiko nida digia na ka ni veivakamarautaki?
Na cava o dau taleitaka mo cakava ena nomu gauna galala? Eso era vinakata mera tu ga e vale, wilivola, vakarogo sere, sara iyaloyalo, se vakayagataka na Internet. Eso tale era taleitaka mera taubale ena veiulunivanua, qalo, se qito kei ira nodra itokani. Se mani cava eda taleitaka, meda vakadeitaka ni ka ni veivakamarautaki eda digia me “vakadonuya na Turaga.” (Efeso 5:10) E bibi meda kila qori, ni levu na ka ni veivakamarautaki e tu nikua e cata o Jiova. E laurai kina na ivalavala kaukaua, veiyacovi vakasisila, se na vakatevoro. (Wilika Same 11:5.) Na cava ena vukei keda meda digia vinaka na ka ni veivakamarautaki?
Ke da digia na itokani era lomani Jiova, era na vukei keda meda digia vinaka na ka ni veivakamarautaki. Eda vulica mai ena lesoni sa oti ni “o koya e vakailala kei ira na vuku ena vuku.” Ia ke da vakailala wasoma kei ira na sega ni taleitaka na ivakatagedegede ni Kalou, eda na “tini ca” ga kina.—Vosa Vakaibalebale 13:20.
2. Cava e bibi kina meda lewa vinaka na levu ni gauna eda vakayagataka ena ka ni veivakamarautaki?
Ke vinaka mada ga na kena eda digia, meda qarauna tiko ga na levu ni gauna eda vakayagataka kina. Ke sega, ena lailai na gauna eda vakayagataka ena ka e bibi sara. E uqeti keda na iVolatabu meda “vakayagataka vakavinaka na [noda] gauna.”—Wilika Efeso 5:15, 16.
VAKEKELI
Vulica na sala mo digia vinaka kina na ka ni veivakamarautaki.
3. Qarauna na ka ni veivakamarautaki e veivakaleqai
Na cava meda digia vinaka kina na ka ni veivakamarautaki? Sarava na VIDIO, qai veivosakitaka na taro tarava.
-
E tautauvata vakacava eso na qito vakarerevaki ena gauna makawa kei na qito nikua?
-
Ena vidio, na cava e vulica o Semi me baleta na ka ni veivakamarautaki?
Wilika Roma 12:9, qai veivosakitaka na taro qo:
-
Ena vukei iko vakacava na tikinivolatabu qo mo digia na ka ni veivakamarautaki?
Na cava eso na ka e cata o Jiova? Wilika Vosa Vakaibalebale 6:16, 17 kei na Kalatia 5:19-21. Ni o wilika oti na tikinivolatabu yadua, veivosakitaka na taro qo:
-
Na cava e tukuni ena tikinivolatabu qori e takalevu tu ena ka ni veivakamarautaki nikua?
Sala mo digia vinaka kina na ka ni veivakamarautaki
Taro mo taroga:
-
Na cava? E okati kina na ka e cata o Jiova?
-
Gauna? E vakalatilati ena noqu qarava na itavi bibi?
-
O cei? Au dau veimaliwai wasoma kina kei ira era sega ni lomani Jiova?
Ena vinaka meda yawaka na ituvaki rerevaki. Oya na vuna meda yawaka kina na ka ni veivakamarautaki, eda rairai nanuma ni sega ni vinaka
4. Vakayagataka vinaka nomu gauna
Sarava na VIDIO, qai veivosakitaka na taro tarava.
-
Ena vidio, a sega ni sarava tiko e dua na ka ca na tacida, ia na cava ga na leqa?
Wilika Filipai 1:10, qai veivosakitaka na taro qo:
-
Ena vukei keda vakacava na tikinivolatabu qo meda kila na levu ni gauna meda vakayagataka ena ka ni veivakamarautaki?
5. Digia na ka ni veivakamarautaki vinaka
Eso na ka ni veivakamarautaki e cata o Jiova, ia e levu tale na ka eda rawa ni marautaka. Wilika Dauvunau 8:15 kei na Filipai 4:8, qai veivosakitaka na taro qo:
-
Na ka ni veivakamarautaki cava o dau taleitaka?
O rawa ni marautaka na ka ni veivakamarautaki e vinaka
KA ERA KAYA ESO: “E sega ni ca na ka ni veivakamarautaki e laurai kina na itovo voravora, na itovo dukadukali, se na vakatevoro. Duatani meu na cakava.”
-
O na sauma vakacava?
KA O VULICA
E vinakata o Jiova meda digia qai marautaka na ka ni veivakamarautaki e vinaka.
Railesuvi
-
Na ka ni veivakamarautaki cava meda cata na lotu vaKarisito?
-
Na cava meda qarauna kina na levu ni gauna eda vakayagataka ena ka ni veivakamarautaki?
-
Na cava meda digia kina na ka ni veivakamarautaki e marautaka o Jiova?
IKURI
Dikeva se o cei me digia na ka ni veivakamarautaki.
“Era Vakatabuya na iVakadinadina i Jiova Eso na iYaloyalo, iVola se Sere?” (Ulutaga ena jw.org)
Dikeva na sala mo vakatulewa vinaka kina ena ka ni veivakamarautaki.
“Digia na ka ni Veivakamarautaki e Yaga” (Na Vale ni Vakatawa, 15 Okotova, 2011)
Ena italanoa “Au sa Sega ni Qai Veivakaduiduitaki,” raica na ka e cakava e dua na cauravou me baleta na ka ni veivakamarautaki.
“E Veisautaka na Bula na iVolatabu” (Na Vale ni Vakatawa, 1 Feperueri, 2010)
Raica na ka e cakava e dua na tina ni vakatulewataka na ka ni veivakamarautaki e baleta na vakatevoro.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
