IWASEWASE 6
Veitokoni ni Matanitu ni Kalou—Tara Vale ni Sokalou kei na Cakacaka ni Vakacoko
O SEGA ni taura rawa na irairai ni Vale ni Soqoni ni o curu yani kina. Dua na ka na nomu dau sakitaka na vale qo. Rairai o nanuma lesu na nomu veivuke ni se tara tiko ena vica na yabaki sa oti. Ia o sa qai marau sara ena gauna qo ni sa vakayagataki na Vale ni Soqoni me idrodro ena gauna ni leqa tubukoso. Sa qai oti ga e dua na draki ca, qai lako vata na waluvu. Dua na ka na vakacaca e yaco, mani tuvanaka na Komiti ni Tabana na sala me vakau kina vei ira na vakaleqai na kakana, isulu, na wai savasava, kei na veivuke tale eso. E tuvani vinaka na iyaya ni vakacoko. Era gole yani na mataveitacini, vakarautaki na ka era gadreva, ra qai qusi wainimata ena levu ni nodra marau.
E tukuna o Jisu ni nodra ivakatakilakila na nona imuri na nodra veilomani. (Joni 13:34, 35) Eda na dikeva ena iwasewase qo na kena laurai na veilomani vaKarisito ena noda tara vale ni soqoni kei na cakacaka ni vakacoko. Na loloma qori e vakadinadinataka nida vakarurugi tiko nikua ena veiliutaki i Jisu ena Matanitu ni Kalou.
ENA IWASEWASE QO
WASE 18
Sala e Vakailavotaki Kina na Cakacaka ni Matanitu ni Kalou
E kau mai vei na ilavo? E vakayagataki vakacava?
WASE 19
Vakarokorokotaki o Jiova ena Tara Vale
E rokovi o Jiova ena tara ni vanua ni sokalou, ia e vakamareqeta vakalevu o koya e dua tale na ka.
WASE 20
Na Qaravi ni Vakacoko
Eda kila vakacava ni okati ena veiqaravi tabu na cakacaka ni vakacoko?