KATO NI VEIVAKAVULICI 7B
Matavosa Bibi ena iVola i Isikeli
“Luve ni Tamata”
BASIKA VAKA90 VAKACACA
Na matavosa “luve ni tamata” e dusi Isikeli, e basika vaka90 vakacaca. (Isik. 2:1) E lesi ena so na itavi dokai, ia e vakananuma vua o Jiova ni tamata wale ga. Ena itukutuku ena Kosipeli, na matavosa “Luve ni Tamata” e dusi Jisu, e rairai basika vaka80, e vakaraitaka nona mai sucu dina vakatamata qai sega ni agilosi e vukici koya me tamata.—Maciu 8:20.
“. . . Qai Kila ni o Yau o Jiova”
BASIKA VAKA50 VAKACACA
E volai vaka50 vakacaca ena Isikeli na matavosa “qai kila ni o yau o Jiova,” qori na ka e tukuna na Kalou nira na kila na tamata, e vakabibitaki kina ni o Jiova duadua ga e dodonu me caka vua na sokalou savasava.—Isik. 6:7.
“Turaga Cecere Duadua o Jiova”
BASIKA VAKA212
E basika vaka212 na matavosa “Turaga Cecere Duadua o Jiova” e vakacerecerei kina na yaca ni Kalou, ni cecere duadua o Jiova vei ira na kabuli kece.—Isik. 2:4.
