KATO NI VEIVAKAVULICI 16B
Rarawa, kei na Vutugu, Vakatakilakilataki, Ravuravu—Gauna, Vakayacori Vakacava?
E tiko na sala e vakayacori kina ena gauna qo na raivotu ena Isikeli wase 9. Na noda kila na veitaravi ni ka ena yaco ena vukei keda meda nuidei ena iotioti ni veisiga qo
‘Rarawa kei na vutugu’
GAUNA: Ena iotioti ni veisiga, ni bera na veivakararawataki levu
VAKAYACORI VAKACAVA: Era na vakaraitaka na yalomalumalumu ena nodra vosa kei na ka era cakava nira sevaka na ivakarau ca ni vuravura qo. O ira qo era ciqoma na itukutuku vinaka, era muria tiko ga na itovo vaKarisito, era papitaiso nira yalataka nodra bula vei Jiova, ra qai yalodina na tokoni ira na taci Karisito
‘Vakatakilakilataki’
GAUNA: Ena veivakararawataki levu
VAKAYACORI VAKACAVA: Na tagane e taura tu na ileu ni iqi nei vunivola e dusi Jisu Karisito ena mai Turaganilewa ina veimatanitu kece. Ena lewai ira vakadodonu na isoqosoqo levu, se vakatakilakilataki ira me vaka na sipi, qori e dusia nira na bula ena Amaketoni
“Ravuravu”
GAUNA: Ena Amaketoni
VAKAYACORI VAKACAVA: O Jisu Karisito kei na nona mataivalu vakalomalagi, era okati kina na agilosi kei ira na 144,000 era na veiliutaki kei koya, era na vakarusa vakadua na vuravura ca qo, ra qai vakabulai ira na dausokalou savasava ena vuravura vou ni yalododonu
