KATO NI VEIVAKAVULICI 18A
Veivakasalataki o Jiova ena iValu Levu sa Voleka Mai Qo
E volai tu ena iVolatabu e levu na parofisai me baleta na ivalu e vakayagataka kina o Jiova na veika buli me vakarusai ira kina na tusaqati koya, ra qai vakarerei ira na nona tamata. Era tuvai toka e ra eso na parofisai qori. Dikeva eso na ka era tautauvata kina na ivakasala qo, kei na nona vinakata o Jiova mera rogoca na tamata kece qai cakava kina e dua na ka.
NODRA GAUNA NA ISIRELI MAKAWA
ISIKELI: “‘Au na kaciva na iseleiwau me valuti [Koki] ena noqu ulunivanua kece,’ e kaya na Turaga Cecere Duadua o Jiova.”—Isik. 38:18-23.
JEREMAIA: “Ena lewai ira kece na tamata o [Jiova]. Ena soli ira na tamata ca ina iseleiwau.”—Jere. 25:31-33.
TANIELA: “Ena vakarautaka na Kalou ni lomalagi e dua na matanitu ena . . . vurumemeataka, ena vakawabokotaki ira na veimatanitu kece.”—Tani. 2:44.
IMATAI NI SENITIURI G.V.
JISU: “Ni na qai yaco na veivakararawataki levu ena ivakatagedegede e sega ni bau vakilai vakadua mai na ivakatekivu kei vuravura.”—Maciu 24:21, 22.
PAULA: “O Jisu kei ira na nona agilosi kaukaua . . . ena qai totogitaki ira na sega ni kila na Kalou.”—2 Ces. 1:6-9.
PITA: “Ena lako mai na siga i Jiova me vaka na daubutako, . . . ena vakatakilai o vuravura kei na ka e tu kina.”—2 Pita 3:10.
JONI: “E dara mai gusuna [o Jisu] e dua na iseleiwau balavu gata, me ravuta kina na veimatanitu.”—Vkta. 19:11-18.
GAUNA QO
Na iVolatabu e ivola vakadewataki vakalevu duadua qai veisoliyaki vakalevu ena itukutuku ni veigauna
DAUVEIQARAVI I JIOVA ENA GAUNA QO . . .
-
Era veisoliyaka e bilioni vakacaca na ivola vakaivolatabu ena drau vakacaca na vosa
-
Era vakayagataka e drau vakacaca na milioni na aua e veiyabaki ena vunau