LESONI 3
A Vakacava tu na Bula ena Parataisi?
Levu na veika vinaka a vakarautaka o Jiova vei Atama kei Ivi. Vakatekivu 1:28
O Jiova a buli Ivi na imatai ni yalewa qai kauti koya vei Atama me watina.—Vakatekivu 2:21, 22.
A buli rau o Jiova me uasivi na nodrau vakasama kei na yagodrau.
E nodrau itikotiko Parataisi na were o Iteni—na vanua rairai totoka e tu kina na kauvuata, manumanu, kei na uciwai.
A vosa vei rau o Jiova, a vakavulici rau tale ga. Ke rau vakarorogo vua, erau na bula tawamudu ena vuravura Parataisi.
E dua na kau a vakarota na Kalou me rau kua ni kana mai kina. Vakatekivu 2:16, 17
A vakaraitaka vei Atama kei Ivi o Jiova e dua na kau ena were, qai tukuna me rau kua ni kania de rau mate.
A vorata na Kalou e dua na agilosi. Na agilosi ca qori o Setani na Tevoro.
A sega ni vinakata o Setani me rau talairawarawa vei Jiova o Atama kei Ivi. Mani vakayagataka na gata me tukuna vei Ivi ni na vaka na Kalou ke kania na vuanikau oya, ena sega ni mate. Ia a lasu o Setani.—Vakatekivu 3:1-5.
Rawa ni o Wilika Tale ga
ESSENTIAL BIBLE TEACHINGS
Na Cava e Bulia Kina na Kalou na Vuravura?
E roboti vuravura na veika totoka. Donu vinaka na kena yawa mai na matanisiga, e veiraurau vinaka tale ga na kena sowiri, kei na kena vakalakala. Na cava e rui vinakata kina na Kalou me bulia na vuravura?
