Masulaka qai vakavakarau vinaka. Masuta na veivuke mo vakasamataka matua na itukutuku o na lai vakarogoya. Me kasa vei iko na tikina bibi. Vakamacala ena nomu vosa ga, kua ni cavuqaqataka na vosa era tabaki tu ena ivola.

Me vu mai lomamu. Vakasamataka na vuna mera rogoca kina na itukutuku na vakarorogo. Mo nanumi ira tiko. Ena qai laurai ena nomu itutucake, nomu matanataka na ka, kei na irairai ni matamu ni o dau veikauaitaki tale ga.

Raici ira na vakarorogo. Ke sega ni dua na kena leqa saga mo raici ira na vakarorogo ni o vosa tiko. Ni o vunau ena buturara vakaraici ira yadua na vakarorogo.