Kila na vosa mo vakabibitaka. Ni o wilika oti e dua na tikinivolatabu, vakabibitaka eso na vosa e sema ina tikina bibi. O rawa ni cakava qori ni o cavuta tale na vosa o via vakabibitaka, se taroga na taro ena uqeti ira na vakarorogo mera kila na vosa bibi.

Vakavotuya na tikina bibi. Vakamacalataka mada e liu na inaki ni nomu vakayagataka e dua na tikinivolatabu, me kilai kina se sema vakacava ena tikina o via vakabibitaka.

Me rawarawa ga. Kua ni kauta mai e dua tale na ka e sega ni sema ena ulutaga. Me vakatau na nomu ivakamacala ena ka sa ra kila rawa tu o ira na rogoci iko, me rawa ni matata kina na ivakamacala.