LESONI 8
Vosa Vakatautauvata e Yaga
Maciu 13:34, 35
IVAKAMACALA LEKALEKA: Me vinaka na iwalewale ni nomu veivakavulici, vakayagataka ga na vosa vakatautauvata rawarawa era na kauai kina na vakarorogo, era na kila tale ga na veitikina bibi.
KENA ICAKACAKA:
-
Digia na vosa vakatautauvata rawarawa. Me vakataki Jisu, vakayagataka na itukutuku lalai mo vakamacalataka kina na ka lelevu, kei na ivakamacala rawarawa me matata kina na ka dredre. Kua ni matailalai sara na ka o tukuna de qai buawa kina na vosa vakatautauvata. Vakadeitaka ni veiganiti na nomu ulutaga kei na vosa vakatautauvata o vakayagataka mera kua ni veilecayaki kina na vakarorogo.
-
Vakasamataki ira na vakarorogo. Digia na vosa vakatautauvata era na kauai kina na vakarorogo. Me kua ga ni veivakamadualaki se veivakacudrui.
-
Vakavulica na tikina bibi. Kauaitaka ga na tikina bibi, sega ni itukutuku kece. Vakadeitaka mera nanuma na vosa vakatautauvata era rogoca kei na tikina bibi era vulica kina.
