Oti na 4026 B.G.V.

E vakalewa “na gata” na veiliutaki i Jiova kei na ivakarau ni nona veiliutaki. E yalataka o Jiova me vakatubura e dua na “kawa,” ena qai qaqia na gata o Setani. (Vakatekivu 3:1-5, 15) Ia e vakatara o Jiova mera lewai ira ga na tamata nira vakarorogo vua na gata.

1943 B.G.V.

E kaya o Jiova vei Eparaama ni “kawa” qo ena dua vei ira na nona kawa.​—Vakatekivu 22:18.

Oti 1070 B.G.V.

E vakadeitaka o Jiova vei Tui Tevita vaka kina vei Solomoni na luvena ena dua na gauna e muri, ni na basika ena nodrau iyatukawa na “kawa” yalataki.​—2 Samuela 7:12, 16; 1 Tui 9:​3-5; Aisea 9:6, 7..

29 G.V.

E vakaraitaka o Jiova ni o Jisu na “kawa” yalataki ena dabe ena idabedabe vakaturaga i Tevita.​—Kalatia 3:16; Luke 1:31-33; 3:21, 22.

 33 G.V.

E tarova vakalekaleka na gata o Setani na “kawa” yalataki ni vakamatei Jisu. E vakaturi koya o Jiova ina bula vakalomalagi qai vakadonuya na yaga ni bula uasivi nei Jisu, e vakarautaka kina na yavu me vosoti na ivalavala ca, mera rawata tale ga na bula tawamudu na kawa nei Atama.​—Vakatekivu 3:15; Cakacaka 2:32-36; 1 Korinica 15:21, 22.

Rauta na 1914 G.V.

O Jisu e kolotaka sobu i vuravura na gata o Setani, e biuti koya tiko e kea me dua na gauna lekaleka.​—Vakatakila 12:7-9, 12.

Gauna se Bera Mai

E vesuki Setani o Jisu me 1,000 na yabaki me qai vakarusai koya, e qaqia vakaivakatakarakara na uluna. Sa vakayacori na inaki taumada nei Jiova me baleta na vuravura kei na kawatamata, sa muduka na kena vakarogorogocataki na yacana qai vakacerecerei na nona veiliutaki.​—Vakatakila 20:1-3, 10; 21:3, 4.