iMatai ni Veigauna 10:1-14
-
Mate o Saula kei ratou na luvena tagane (1-14)
10 Era valuti ira na Isireli na kai Filisitia. Era qai dro na Isireli e matadra na kai Filisitia, era balemate e levu e Ulu i Kilipoa.+
2 Era volekati Saula tiko ga yani kei ratou na luvena o ira na kai Filisitia, ra qai mokuti Jonacani, Epinatapi kei Malikisua+ eratou luvei Saula, o ira na kai Filisitia.
3 E kaukaua sara na nodra valuti Saula, era raici koya na dauvanavana, ra qai vakamavoataki koya na dauvanataka na dakaititi.+
4 E tukuna sara o Saula vei koya e dau cola na nona iyaragi: “Ucuna na nomu iseleiwau mo suaki au kina, mera kua ni lako mai na tawacili qo mera vakalolomataki+ au.” Ia e sega ni via cakava qori o koya e dau cola na nona iyaragi ni rere vakalevu. E mani taura o Saula na iseleiwau qai suaki koya ga.+
5 Ni raica o koya e dau cola na nona iyaragi ni sa mate o Saula, e suaki koya tale ga ena iseleiwau me mate.
6 E mate gona o Saula kei na tolu na luvena tagane, era mate vata kece na nona vuvale.+
7 Nira raica kece na Isireli era tiko ena buca nira sa dui dro, ni sa mate tale ga o Saula kei ratou na luvena, era biuta sara na nodra koro mera dro, era qai lako yani na kai Filisitia mera tawana.
8 Ena siga tarava nira lako yani na kai Filisitia mera kauta na ka era taukena na sa mate, era raici Saula kei ratou na luvena ni ratou sa mate tu e Ulu i Kilipoa.+
9 Era luvata na ka e tu vua, era kauta tani na uluna kei na nona iyaragi, ra qai talatala ina nodra vanua taucoko na kai Filisitia me vakarogoi na itukutuku ina nodra matakau+ kei ira na lewenivanua.
10 Era biuta sara na nona iyaragi ena vale* ni nodra kalou, era vakaliliga na uluna ena vale i Tekoni.+
11 Nira rogoca kece mai Jepesi+ e Kiliati na ka kece era vakayacora na kai Filisitia vei Saula,+
12 era lako kece na tamata qaqa mera kauta na yago i Saula kei na yagodratou na luvena. Era kauta i Jepesi era buluta na suidratou ena ruku ni kau levu e Jepesi,+ ra qai lolo me vitu na siga.
13 O koya gona, e mate o Saula ni tawayalodina vei Jiova ni sega ni muria na vosa i Jiova,+ ni lai taroga tale ga na dauvakacuru+
14 ia e sega ni tarogi Jiova. E mani vakamatei koya qai solia na veiliutaki vei Tevita na luvei Jese.+
iVakamacala e ra
^ Se “burekalou.”
