iMatai ni Veigauna 20:1-8
20 Ena itekivu ni yabaki,* na gauna era dau lako kina na tui ena ivalu, e liutaka o Joapi+ na kaba vakaivalu mani vakarusa na nodra vanua na Amoni, e lako yani qai viribaiti Rapa+ ni tiko mai Jerusalemi o Tevita.+ E ravuti Rapa o Joapi, e vakarusa tale ga.+
2 E qai kauta tani o Tevita na isalanitui mai na ulu i Malikami,* e raica ni dua na taledi* koula na kena bi, e tu kina na vatutalei, e vakaisala kina o Tevita. E kauta tale ga e levu na itokinivalu mai na koro.+
3 E kauti ira mai na lewenivanua era tiko kina, e vakacakacakataki ira+ mera varo vatu, na iyaya gata kaukamea, kei na matau. Qori na ka e cakava o Tevita ena nodra koro kece na Amoni. Oti e lesu o Tevita kei ira kece na sotia i Jerusalemi.
4 Oti qori e tubu na ivalu e Keseri kei ira na kai Filisitia. Qori na gauna e mokuti Sipei kina o Sipikei+ na luvei Usa, e kawa ni Refeimi,+ era mani vakamalumalumutaki.
5 E tubu tale na ivalu kei ira na kai Filisitia, e mokuti Leami na taci Koliaci+ na kai Kaca o Elenani na luvei Jairi, na dia ni nona moto e vaka na kau ni dautali isulu.+
6 E tubu tale na ivalu e Kaca,+ e tiko kina e dua na tagane levu+ e 6 na iqaqaloniligana, e 6 na iqaqaloniyavana, e 24 taucoko, e kawa tale ga ni Refeimi.+
7 E bolei+ ira tiko ga na Isireli o koya. E qai mokuti koya o Jonacani na luvei Semea+ na tuakai Tevita.
8 Qo o ira na kawa ni Refeimi+ mai Kaca,+ era bale ena liga i Tevita kei na ligadra na nona dauveiqaravi.
iVakamacala e ra
^ Oya ena vulaitubutubu.
^ Rauta ni 34.2 na kilokaramu (1,101 na onisi). Raica na iKuri B14.
