iMatai ni Veigauna 23:1-32
23 Ni sa qase sara o Tevita, sa voleka ni mate,* e buli Solomoni na luvena me nodra tui na Isireli.+
2 E mani soqoni ira kece na turaga ni Isireli, o ira na bete+ kei ira na Livai.+
3 Era wili na Livai era yabaki 30 lako cake,+ na kedra iwiliwili nira wili yadua era le 38,000.
4 Era le 24,000 vei ira qori era raica tiko na cakacaka ena vale i Jiova, era le 6,000 na vakailesilesi kei ira na turaganilewa,+
5 era le 4,000 na ivakatawa ni matamata,+ era le 4,000 era dau vakacaucautaki+ Jiova ena iyaya ni qiriqiri e kaya kina o Tevita, “Au cakava qo me ia kina na vakacaucau.”
6 E wasei ira vakailawalawa+ o Tevita me vakataki ratou na luvei Livai: o Kerisoni, o Koaca, kei Mirari.+
7 Vei ira na Kerisoni, o Latana kei Semeai.
8 O ratou na tagane na luvei Latana, o Jieli na turaga, o Secami, kei Joeli,+ eratou le tolu.
9 O ratou na tagane na luvei Semeai, o Silomoci, o Asiali, kei Karana, eratou le tolu. O ratou qo na turaga ni mataqali nei Latana.
10 O ratou na tagane na luvei Semeai, o Jeaci, o Siana, o Jiusi, kei Piria. Eratou luvei Semeai na le va qo.
11 E turaga o Jeaci, o Seisa na kena ikarua. Ni sega ni levu na luvedrau tagane o Jiusi kei Piria, erau sa wili ga me dua na mataqali, e dua ga na nodrau itavi.
12 O ratou na tagane na luvei Koaca, o Amirami, o Isari,+ o Epironi, kei Usieli,+ eratou le va.
13 O rau na tagane na luvei Amirami, o Eroni+ kei Mosese.+ Ia e tawasei+ o Eroni me vakasavasavataka na Loqi Tabu Sara, o koya kei ratou na luvena tagane me tawamudu, me ratou cabora na isoro ena mata i Jiova, me ratou qaravi koya, me ratou vosa ni veivakalougatataki tiko ga ena yacana.+
14 Ia o Mosese na tamata ni Kalou dina, erau vakayacani na luvena tagane ena yavusa i Livai.
15 O rau na tagane na luvei Mosese o Kerisomi+ kei Eliesa.+
16 Vei ira na luvei Kerisomi, o Sipueli+ na turaga.
17 Vei ira na kawa* nei Eliesa o Riapaia+ na turaga, e sega ni dua tale na luvei Eliesa, o ira ga na tagane na luvei Riapaia era le levu.
18 Vei ira na tagane na luvei Isari,+ e turaga o Silomeci.+
19 O ratou na tagane na luvei Epironi, o Jiraia na turaga, o Amaraia na ikarua, o Jeseli na ikatolu, kei Jikamiami+ na ikava.
20 O rau na tagane na luvei Usieli,+ o Maika na turaga kei Aseia na ikarua.
21 O rau na tagane na luvei Mirari o Mali kei Musi.+ O rau na tagane na luvei Mali o Eliesa kei Kisi.
22 E qai mate o Eliesa ia e sega na luvena tagane, e vakaluveni yalewa ga. Era mani vakawatitaki ratou na tagane na luvei Kisi, na wekadratou.*
23 O ratou na tagane na luvei Musi, o Mali, o Eteri kei Jirimoce, eratou le tolu.
24 Qo o ira na luvei Livai ena mataqali nei tamadra, era turaga ni mataqali nei tamadra me vaka na iwiliwili ni yacadra nira volai, era cakava na cakacaka ni veiqaravi ena vale i Jiova, era yabaki 20 lako cake.
25 Ni kaya o Tevita: “O Jiova na Kalou ni Isireli e vakacegui ira na nona tamata,+ ena tiko e Jerusalemi me tawamudu.+
26 Era na sega tale ga ni colata na Livai na valeniveitavaki se dua na kena iyaya ni veiqaravi.”+
27 Me vaka na itinitini ni ivakaro i Tevita, era wiliki na Livai era yabaki 20 lako cake.
28 E nodra ilesilesi mera vukei ira na luvei Eroni+ ena veiqaravi ena vale i Jiova, era qarava na rara ni vale,+ na valenikana kei na vakasavasavataki ni iyaya vakatabui kece, kei na dua tale na cakacaka e vinakati me qaravi ena vale ni Kalou dina.
29 Era veivuke ena vakarautaki ni madrai yatuni,*+ na falawa vinaka sara me isoro kakana, na madrai mamare sega ni vakaleveni,+ na madrai tavu ena itavutavu, na falawa waki kina na waiwai,+ na kena ivakarau kece kei na kena levu.
30 Mera tu ena veimataka+ mera vakavinavinaka, mera vakalagilagi Jiova, kei na yakavi.+
31 Era veivuke ena cabori ni isoro kama vei Jiova ena Siga ni Vakacecegu,+ ena vula vou,+ kei na gauna kece ni soqo,+ me vaka na iwiliwili e vakaroti ena lawa, era na cakava tiko ga ena mata i Jiova.
32 Era qarava tale ga na nodra itavi ina valelaca ni veitavaki, ina tikina tabu, kei ira na wekadra na luvei Eroni, ena cakacaka ni vale i Jiova.
iVakamacala e ra
^ Ipe., “qase, e levu na nona siga.”
^ Ipe., “luvei.”
^ Ipe., “tacidratou.”
^ Oya na madrai dauraici.
