iMatai ni Veigauna 26:1-32
26 Qo na nodra iwasewase na ivakatawa ni matamata:+ vei ira na luvei Kora, o Meselimaia+ na tagane na luvei Kore vei ira na luvei Esafa.
2 E vakaluveni tagane o Meselimaia: o Sakaraia na nona ulumatua, o Jitieli na ikarua, o Sepataia na ikatolu, o Jacinieli na ikava,
3 o Ilama na ikalima, o Jionanai na ikaono, kei Elionai na ikavitu.
4 E vakaluveni tagane o Opeti-itomi: o Semaia na nona ulumatua, o Jiosapati na ikarua, o Joa na ikatolu, o Sakari na ikava, o Nicaneli na ikalima,
5 o Amieli na ikaono, o Isakari na ikavitu, kei Puilicei na ikawalu, ni vakalougatataki koya na Kalou.
6 E sucu eso na tagane na luvei Semaia, era turaga ni mataqali nei tamadra nira tamata yaga, era qaqa.
7 O ratou na tagane na luvei Semaia: o Ocini, o Rafaele, o Opeti kei Elisapati, erau tamata yaga na tacina o Ilaiu kei Simakaia.
8 Qo kece o ira na tagane na luvei Opeti-itomi, o ira, na luvedra, kei na tacidra era tamata yaga ena veiqaravi, era le 62 era nei Opeti-itomi.
9 O ira na tagane na luvei Meselimaia+ kei ira na tacina, era tamata yaga era le 18.
10 E vakaluveni tagane o Osa vei ira na luvei Mirari. O Simiri na turaga, ia e sega ni ulumatua, e lesi koya o tamana me turaga,
11 o Ilikaia na ikarua, o Tipalaia na ikatolu, o Sakaraia na ikava. O ira kece na tagane na luvei Osa kei ira na tacina era le 13.
12 Ena iwasewase ni ivakatawa ni matamata, e tautauvata na nodra itavi na turaga kei ira na tacidra, mera veiqaravi ena vale i Jiova.
13 Era mani vakawirimadigi+ me baleta na dui matamata, o ira na lalai kei ira na lelevu ena mataqali nei tamadra.
14 E qai donui Selemaia na madigi ena tokalau. Era vakawirimadigi ena vuku i Sakaraia na luvena, na daunivakasala vuku, e donui koya na madigi ena vualiku.
15 E donui Opeti-itomi na ceva, era lesi na luvena tagane+ mera qarava na valenimaroroi iyau.
16 E donui rau o Supimi kei Osa+ na ra, volekata na Matamata o Salekeci ena gaunisala levu e lako cake, nira veidonui na matayadra,
17 e tiko ena tokalau e ono na Livai, ena vualiku e va ena dua na siga kei na ceva e va ena dua na siga, kei na valenimaroroi iyau+ e yarua,
18 ena varada ena ra eratou le va na duri tu e gaunisala levu,+ e rua ena varada.
19 Qo na nodra iwasewase na ivakatawa ni matamata vei ira na tagane na luvei Kora kei ira na luvei Mirari.
20 E matataki ira na Livai o Eaija, e lewa na valeniyau ni vale ni Kalou dina, kei na valeniyau ni iyaya vakatabui.*+
21 O ira na tagane na luvei Latana: o ira na tagane na luvei Kerisoni mai vei Latana, era turaga ni mataqali nei Latana na Kerisoni, o Jeli+
22 kei rau na tagane na luvei Jeli o Secami kei na tacina o Joeli. Erau lewa na valeniyau ena vale i Jiova.+
23 E matataki ira na luvei Amirami, o ira na luvei Isari, o ira na luvei Epironi, kei ira na luvei Usieli,+
24 o Sipueli na luvei Kerisomi na luvei Mosese e lewa tiko na valenimaroroi iyau.
25 O ratou na tacina vei Eliesa,+ o Riapaia+ na luvena tagane, o Jeseia na luvena tagane, o Jiorami na luvena tagane, o Sikiri na luvena tagane, kei Silomoci na luvena tagane.
26 O Silomoci qo kei ratou na tacina eratou lewa na valeniyau ni iyaya vakatabui+ e vakatabuya o Tui Tevita,+ o ira na turaga ni mataqali nei tamadra,+ o ira na turaga ni vica vata na udolu kei na vica vata na drau, kei ira na turaga ni mataivalu.
27 Na ka e kau mai na ivalu+ kei na itokinivalu+ era vakatabuya me vakavinakataki kina na vale i Jiova,
28 vaka kina na ka kece e vakatabuya o Samuela na dauraivotu,+ o Saula na luvei Kisi, o Apineri+ na luvei Neri, kei Joapi+ na luvei Seruaia.+ Na ka kece e vakatabuya e dua, e maroroya o Silomeci kei ratou na tacina.
29 Vei ira na Isari+ o Kinanaia kei ira na luvena tagane era qarava na itavi ena taudaku ni vale ni Kalou mera vakailesilesi, mera turaganilewa+ e Isireli.
30 Vei ira na luvei Epironi,+ o Esapaia kei ira na tacina era le 1,700 era tamata yaga, era lewai ira na Isireli ena yasa ni Joritani ena ra, mera qarava na cakacaka kece me baleti Jiova, mera qarava tale ga na tui.
31 Vei ira na luvei Epironi, o Jerija+ e nodra turaga na luvei Epironi ena nodra iyatukawa na mataqali nei tamadra. Ena ika40 ni yabaki ni veiliutaki nei Tevita,+ era mani vaqaqara qai kune e Jaseri+ mai Kiliati eso na luvei Epironi era tamata qaqa, era yaga.
32 Na kedra iwiliwili na wekana era tamata yaga era le 2,700 era turaga ni mataqali nei tamadra. E mani lesi ira o Tui Tevita mera lewai ira na Rupeni, o ira na Kata, kei na veimama ni yavusa na Manasa, ena ka kece me baleta na Kalou dina kei na ka me baleta na tui.
iVakamacala e ra
^ Se “iyaya savasava.”
