iKarua ni Samuela 22:1-51
22 E cavuta vei Jiova o Tevita na qaqanisere+ qo ena siga e vakabulai koya kina o Jiova mai na ligadra kece na kena meca+ kei na liga i Saula.+
2 E kaya:
“O Jiova na noqu uluvatu, na noqu idrodro,+ kei na noqu iVakabula.+
3 E noqu uluvatu na noqu Kalou,+ au na dro vua,E noqu isasabai+ kei na noqu ileu* ni bula,* e noqu ivakaruru tudei,+Na vanua meu dro kina,+ na noqu ivakabula,+ oni vakabulai au mai na ivalavala voravora.
4 Au kaci vei Jiova, o koya e dodonu me vakacaucautaki,Au na vakabulai vei ira na kequ meca.
5 E wavokiti au na biau ni mate,+E vakarerei au na waluvu ni tamata macawa.+
6 E voliti au na dali ni iBulubulu,*+E tavaki au na dai ni mate.+
7 Au masuti Jiova niu rarawa,+Au masuta tiko ga na noqu Kalou.
E qai rogoca na domoqu mai na nona valenisoro,E rogoca na daligana na noqu tagi ni kere veivuke.+
8 E sakure na vanua qai sautaninini,+E yavavala na yavu ni lomalagi,+E sasakurekure ni cudru o koya.+
9 E cawa cake na kubou mai ucuna,E veivakarusai na yameyame ni buka e lako mai gusuna,+E caudre mai vua na qilaiso waqa.
10 E loveca na lomalagi ni lako sobu mai,+E tu e ruku ni yavana na butobuto vavaku.+
11 E vodo ena dua na jerupi+ qai vuka tiko mai.
E laurai ena taba ni dua na kabula vakayalo.*+
12 E cakava me wavokiti koya na butobuto me nona vale,+Na wai loaloa, na o vavaku.
13 Mai na rarama e tu e matana e caudre kina na qilaiso waqa.
14 E qai kurukuru mai lomalagi o Jiova,+E vosa mai o koya e Cecere Duadua.+
15 E vanataka na nona gasau+ me tawasei ira,Na liva mera veilecayaki kina.+
16 Sa laurai mai na drekeniwaitui,+Sa votu na yavu ni vanua ni vunauca o Jiova,Ena kaukaua ni icegu ni ucuna.+
17 E dodoka mai cake na ligana,E tauri au me vueti au mai na wai titobu.+
18 E vakabulai au vua na kequ meca kaukaua,+Vei ira era cati au tiko, era kaukaua sara vei au.
19 Era saqati au ena siga ni noqu rarawa,+Ia e tokoni au o Jiova.
20 E kauti au sara ina dua na vanua taqomaki,*+E vakabulai au ni taleitaki au.+
21 E vakaicovitaki au o Jiova me vaka na noqu yalododonu,+E saumi au me vaka na savasava ni ligaqu.+
22 Niu muria tiko ga na sala i Jiova,Au sega ni caka ca meu biuta na noqu Kalou.
23 E tu ga e mataqu na nona lewa kece,+Au na sega ni gole tani mai na nona ivakaro.+
24 Ena dodonu tu ga+ na noqu ivalavala vua,Au na maroroi au mai na cala.+
25 Me saumi au mada ga o Jiova me vaka na noqu ivalavala dodonu,+Me vaka niu sega ni cala e matana.+
26 Oni yalodina vei koya e yalodina vei kemuni,+Oni yalododonu vei koya e guta me yalododonu,+
27 Oni vakaraitaka na nomuni savasava vei koya e savasava,+Oni na qaseqase vei koya e veidabui.+
28 Oni vakabulai ira na yalomalumalumu,+Ia na matamuni e cati ira na qaciqacia, oni vakalolovirataki ira.+
29 O kemuni Jiova na noqu cina,+O Jiova ga e vakararamataka na noqu butobuto.+
30 Oni vukei au meu cicivi ira na daukabakoro,Ena kaukaua ni Kalou au kabata kina na bai.+
31 E uasivi na nona ivalavala na Kalou dina,+E savasava na vosa i Jiova.+
E nodra isasabai kece na vakaruru vua.+
32 O cei na Kalou e vakataki Jiova?+
O cei tale na uluvatu e tautauvata kei na noda Kalou?+
33 E noqu koronivalu na Kalou dina,+Ena vakadodonutaka na noqu ivalavala.+
34 E cakava na yavaqu me vaka na yavadra na dia,E vakaduri au ena veivanua cecere.+
35 E vakavulica na ligaqu me vala,E rawa ni loveca na ligaqu na dakaititi kopa.
36 Oni solia vei au na nomuni isasabai ni bula,Au vakalevulevui ena nomuni yalomalumalumu.+
37 Oni vagalalataka na vanua meu butuka,Ena sega ni tidara na yavaqu.*+
38 Au na cicimuri ira na kequ meca meu vakawabokotaki ira,Au na sega ni suka me yacova nira sa vakawabokotaki.
39 Au na vakawabokotaki ira qai vurumemeataki ira mera kua ni duri mai,+Era na bale ena ruku ni yavaqu.
40 Oni na vakaiyaragitaki au ena kaukaua meu vala kina,+Oni na vakabalei ira na kequ meca e mataqu.+
41 Oni na vakasukai ira na kequ meca,*+Au na vakarusai ira era cati au.+
42 Era tagi ni kere veivuke, ia e sega ni dua me vakabulai ira,Era tagi mada ga vei Jiova, e sega ga ni rogoci ira o koya.+
43 Au na qaqi ira vakamatailalai me vaka na kuvuniqele,Au na vurumemeataki ira qai butuki ira me vaka na soso e gaunisala.
44 Oni na vakabulai au vei ira na noqu tamata era qara na noqu cala.+
Oni na taqomaki au meu liutaka na veimatanitu,+Era na qaravi au o ira au sega ni kila.+
45 Era na lako cuvacuva e mataqu na vulagi,+Era na talairawarawa vei au nira rogoca na ka e baleti au.
46 Era na yalolailai na vulagi,Era na lako ninini mai na nodra bai kaukaua.
47 E bula tiko o Jiova! Me vakacaucautaki na noqu Uluvatu!+
Me vakacerecerei mada ga na Kalou, na noqu uluvatu ni bula.+
48 E veisausaumi ena vukuqu na Kalou dina,+E vakamalumalumutaki ira na lewe ni veivanua vei au,+
49 E vakabulai au o koya vei ira na kequ meca.
Oni laveti au cake+ meu cecere vei ira na saqati au,Oni vakabulai au vua na tamata voravora.+
50 Oya na vuna au na vakavinavinaka kina vei kemuni Jiova ena kedra maliwa na veimatanitu,+Au na vakacaucautaka na yacamuni ena sere:+
51 E veivakabulai vakalevu vua na nona tui,+E vakaraitaka na dei ni nona loloma vua na nona lumuti,Vei Tevita kei na nona kawa me tawamudu.”+
iVakamacala e ra
^ Raica na iVakamacala ni Vosa.
^ Se “noqu ivakabula kaukaua.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “cagi.”
^ Se “vanua vakacirigalala.”
^ Se “qurulasawa.”
^ Se “solia vei au na usousonidomodra na kequ meca.”