iKarua ni Veigauna 12:1-16
12 Ni vakataudeitaki oti ga na veiliutaki nei Riopoami,+ ni kaukaua tale ga, e biuta o koya na Lawa i Jiova,+ kei ira kece na Isireli.
2 Ena ikalima ni yabaki i Tui Riopoami e mai valuti Jerusalemi o Tui Sisaki+ mai Ijipita, nira sega ni yalodina vei Jiova.
3 E 1,200 na nona qiqinivalu, e 60,000 na dauvodo ose, e sega ni wili rawa na sotia era tomani koya mai Ijipita, o ira na kai Lipea, o ira na Sukimi, kei ira na kai Iciopea.+
4 E ravuta na koro vakabai e Juta, e yaco sara i Jerusalemi.
5 E lako yani o Semaia+ na parofita vei Riopoami kei ira na turaga e Juta era soqoni vata i Jerusalemi ena vuku i Sisaki, e kaya vei ira o koya: “Qo na ka e tukuna o Jiova, ‘Oni sa biuti au, au sa biuti kemuni+ tale ga e liga i Sisaki.’”
6 Era qai vakamalumalumutaki ira na turaga ni Isireli kei na tui,+ era kaya: “E yalododonu o Jiova.”
7 Ni raica o Jiova nira vakamalumalumutaki ira, e vosa sara vei Semaia o Jiova, e kaya: “Era sa vakamalumalumutaki ira. Au na sega ni vakarusai ira,+ ena dua ga na gauna lekaleka qo au na vakabulai ira. Au na sega ni sova na noqu cudru i Jerusalemi niu vakayagataki Sisaki.
8 Ia era na qaravi koya, era na kila kina na duidui ni nodra qaravi au kei na nodra qarava na tui* ni veivanua.”
9 E mani lako cake o Tui Sisaki mai Ijipita me valuti Jerusalemi. E kauta na iyau ni vale i Jiova+ kei na iyau ena valenitui. E kauta na ka kece, wili kina na isasabai koula e cakava o Solomoni.+
10 E cakava sara o Tui Riopoami na isasabai kopa me kedra isosomi qai tataunaka vei ira na iliuliu ni yadra* era yadrava tiko na matamata ni valenitui.
11 Ni dau lako na tui ina vale i Jiova, era dau lako yani na yadra mera kauta, oti era kauta lesu ina vale ni yadra.
12 Ni vakamalumalumutaki koya na tui, e suka tani vua na cudru i Jiova,+ e sega ni vakarusai ira vakadua.+ E laurai tale ga eso na ka vinaka e Juta.+
13 E vakaukauataka o Tui Riopoami na nona itutu e Jerusalemi, e veiliutaki tiko ga, e veiliutaki o Riopoami ni sa yabaki 41, e 17 na yabaki e veiliutaki kina e Jerusalemi, na koro e digia o Jiova vei ira kece na yavusa e Isireli me biuta kina na yacana. Na tinana na tui na yacana o Neama na marama ni Amoni.+
14 Ia e cakava o koya na ka ca, ni sega ni lomana me qarai Jiova.+
15 Na itukutuku me baleti Riopoami, na kena itekivu ina kena iotioti, e volai ena vosa i Semaia+ na parofita kei Ito+ na dauraivotu ena nodra ivola ni nona iyatukawa. Erau veivaluvaluti tiko ga o Riopoami kei Jerepoami.+
16 E qai davo vata kei ira na tukana o Riopoami, e bulu vata kei ira na tukana ena Koro i Tevita,+ e tui sara o Apaija+ na luvena tagane me sosomitaki koya.
