iKarua ni Veigauna 27:1-9
-
Tui Juta o Jocame (1-9)
27 E tui o Jocame+ ni sa yabaki 25, e veiliutaki e Jerusalemi me 16 na yabaki. Na yaca i tinana o Jirusa na luvei Setoki.+
2 E vakayacora tiko ga na ka e donu ena mata i Jiova me vaka e cakava o Usaia na tamana,+ e sega ga ni lako vakaveitalia ina valenisoro i Jiova.+ Ia era caka ca tiko ga na lewenivanua.
3 E tara o koya na matamata e cake ni vale i Jiova,+ e dua tale ga na tara bai levu e vakayacora e Ofeli.+
4 E tara tale ga eso na koro+ ena veiulunivanua e Juta+ qai tara e veikau na vanua vakabai+ kei na valececere.+
5 E valuta o koya na nodra tui na Amoni+ mani qaqa vei ira, era solia vua na Amoni ena yabaki oya e 100 na taledi* siliva, e 10,000 na ko* na ivakarau witi, kei na 10,000 na varile. Qo tale ga na ka era solia vua na Amoni ena ikarua kei na ikatolu ni yabaki.+
6 E kaukaua tiko ga o Jocame, ni vakarautaka na nona ivalavala ena mata i Jiova na nona Kalou.
7 Na vo ni itukutuku me baleti Jocame, na nona ivalu kece kei na nona ivalavala, e volai ena nodra iVola na Tui Isireli kei Juta.+
8 E tui ni sa yabaki 25, e veiliutaki e Jerusalemi me 16 na yabaki.+
9 E qai davo kei ira na tukana o Jocame, era buluti koya ena Koro i Tevita.+ E tui sara o Easi na luvena me sosomitaki koya.+
