iKatolu ni Joni 1:1-14
1 O yau na qase, au volavola tiko vua na noqu itokani o Keio, o koya au dau lomana.
2 Noqu itokani lomani, e noqu masu me toso vinaka tiko na ka taucoko, o bulabula vinaka tale ga me vaka na gauna sa oti.
3 Au marau vakalevu nira mai tukuna na veitacini ni o dei tiko ga ena ka dina, au marautaka tale ga ni o muria tiko ga na ka dina.+
4 Sega tale ni dua na ka au marautaka vakalevu:* niu rogoca nira muria tiko ga na ka dina na luvequ.+
5 Noqu itokani lomani, e laurai na nomu yalodina ena ka kece o cakava vei ira na veitacini kei ira na vulagi,+
6 era vakadinadinataka na nomu loloma ena matadra na ivavakoso. Yalovinaka, mo talaci ira ena kena ivalavala e vakadonuya na Kalou.+
7 Nira a lako yani ena yacana, era sega ni taura e dua na ka+ vei ira na lewe ni veimatanitu.
8 O koya gona, e dodonu meda vakaraitaka na veikauaitaki vei ira qo,+ meda cakacaka vata ena dina.+
9 Au a vola yani e dua na ka ina ivavakoso, ia o Tiotirifi, e dau viaviadua,+ e sega sara ga ni dau doka na ka keitou tukuna.+
10 Oya na vuna au na kauta cake mai kina na ka e dau cakava ena levu ni nona dau vakaucacataki keitou.*+ Ena nona sega ni lomavakacegu, e sega ni dau ciqomi ira na mataveitacini+ ena veidokai, qai dau saga me tarovi ira na via veiciqomi, me biuti ira tani mai na ivavakoso.
11 Noqu itokani lomani, ni kua ni dau vakatotomuria na ka ca, vakatotomuria ga na ka vinaka.+ O koya e daucaka vinaka e tovata kei na Kalou.+ Ia o koya e daucaka ca e se sega ni raica na Kalou.+
12 Era tukuna kece na veitacini na itovo vinaka nei Timitirio ni salavata kei na ka dina. O keitou tale ga keitou vakadinadinataka, o kila ni dau dina na ka keitou tukuna.
13 E levu na ka au via vola yani vei iko, ia au sega ni vinakata meu volavola tiko ga yani ena iqi kei na peni.
14 Au vinakata sara ga meu raici iko me daru veivosaki.
Me nomu mada ga na vakacegu.
Era loloma tu yani vei iko na mataveitacini. Qai tukuna na noqu iloloma vei ira yadua na mataveitacini.
iVakamacala e ra
^ Se rawa ni, “na vu ni noqu vakavinavinaka.”
^ Kir., “dau talanoataki keitou vakaca.”
