Aisea 11:1-16
11 Ena tubu mai e dua na tabana lailai+ ena dulumi* i Jese,+Kei na dua na sulina+ mai wakana ena vua.
2 Ena sobuti koya na yalo i Jiova,+Na yalo ni vuku+ kei na yalomatua,Na yalo ni ivakasala kei na kaukaua,+Na yalo ni kilaka kei na dokai* Jiova.
3 Ena marautaka me dokai* Jiova.+
Ena sega ni vakatulewa ena ka e raica e matana,Se veivunauci ena ka e rogoca e daligana.+
4 Ena lewai ira vakadodonu na vakalolomaEna veivunauci vakadodonu ena vukudra na yalomalumalumu e vuravura.
Ena mokuta na vuravura ena ititoko ni gusuna,+Ena vakamatea na tamata ca ena icegu ni tebenigusuna.+
5 Na beleti ni tolona na yalododonuNa beleti ni dibina na yalodina.+
6 Ena bula vata na olifa kei na lami,+Ena davo vata na lepate kei na luvenime,Ena tiko vata na luvenibulumakau, kei na laione* kei na manumanu uro,*+
Ena liutaki ratou e dua na gonetagane lailai.
7 Ena kana vata na bulumakau yalewa kei na bea,Ena davo vata na luvedrau.
Ena kana tolonicovuata madu na laione me vaka na bulumakau.+
8 Na gonedramidrami ena qito ena qara ni gata uluraba,*Na gone se qai kali ena biuta na ligana ena qara ni gata poisoni.
9 Era na sega ni veivakaleqai+Se veivakarusai ena noqu ulunivanua tabu kece,+Ni na robota na vuravura na kilaka me baleti JiovaMe vaka e ubia na wasawasa na wai.+
10 Ena siga oya ena tu na wakai Jese+ me nodra kaunikuila na lewe ni veivanua.+
Era na lako vua na veimatanitu mera taro ivakasala,*+Na nona vanua ni vakacegu ena vakalagilagi.
11 Ena siga oya ena dodoka tale vakarua na ligana o Jiova me vakabulai ira na vo ni nona tamata era se tiko mai Asiria,+ mai Ijipita,+ mai Pacirosi,+ mai Kusa,+ mai Ilama,+ mai Saina,* mai Emaci, kei na veiyanuyanu e wasawasa.+
12 Ena vakaduria e dua na nodra kaunikuila na veimatanitu, ena soqoni ira na Isireli era veituyaki,+ ena kumuni ira na Juta era veiseyaki ena tutu i vuravura+ vava.
13 Ena oti na vuvu nei Ifireimi,+Era na vakarusai na vakacacani Juta tiko.
Ena sega ni vuvutaki Juta o IfireimiSe na vakacacani Ifireimi o Juta.+
14 Erau na cova sobu na nodra baba na kai Filisitia ena raErau na tovata me rau kovei ira mai na Tokalau.
Erau na dodoka na ligadrau vei Itomi+ kei Moapi,+Era na vakamalumalumu vei rau na Amoni.+
15 Ena wasea* o Jiova na toba ena wasawasa o Ijipita,+Ena wiricaka na ligana ena Uciwai.*+
Ena nona icegu katakata ena mokuta na* vitu na kena uciwai lalai,Ena tuberi ira na lewenivanua o koya mera takoso nira vakaivava.
16 Ena dua na gaunisala+ mai Asiria me baleti ira na vo ni nona tamata era tiko kina,+Me vaka na nei Isireli ena siga e biuta mai kina na vanua o Ijipita.
iVakamacala e ra
^ Qo na vunikau musu na tolona qai vo toka ga na vuna.
^ Ipe., “rerevaki.”
^ Ipe., “rerevaki.”
^ Se “na luvenilaione kaukaua.”
^ Se rawa ni, “Ena kana vata na luvenibulumakau kei na laione.”
^ Dua na gata poisoni e dau laurai vakalevu mai Esia kei Aferika.
^ Se “Era na qarai koya na veimatanitu.”
^ Oya o Papilonia.
^ Se rawa ni, “vakamacara.”
^ Oya na Uferetisi.
^ Se rawa ni, “mokuta me.”
