Aisea 13:1-22
13 Na itukutuku bibi me baleti Papiloni+ e raivotutaka o Aisea+ na luvei Emosi:
2 “Moni vakaduria e dua na kaunikuila+ ena ulunivanua veivatu.
Moni kacivi ira, moni yalovaka na ligamuni,Mera lako ina nodra matamata na turaga.
3 Au vakaroti ira au lesia.*+
Au kacivi ira na noqu tamata qaqa mera tauca na noqu cudru,O ira na noqu era dau mamarau.
4 Rogoca! E dua na ilala levu ena veiulunivanua,E vaka na rorogo ni lewe levu!
Rogoca! Na nodra ue na veimatanitu,Na nodra soqoni na veivanua!+
O Jiova ni lewe vuqa* e soqona na mataivalu me vala.+
5 Era lako mai na vanua yawa,+Mai na iyalayala ni lomalagi,O Jiova kei na iyaragi ni nona cudru,Me vakarusa na vuravura taucoko.+
6 Moni qoqolou ni sa voleka na siga i Jiova!
Ena yaco mai me vaka na nona veivakarusai o koya e Kaukaua Duadua.+
7 Oya na vuna ena wadamele kina na liga kece,Ena waicala na lomadra na tamata kece ena rere.+
8 Era taqaya na lewenivanua.+
Era sautaninini, era mosi,Me vaka na yalewa taratara me vakasucu.
Era veiraici ena domobula,E damudamu na matadra ena rarawa.
9 Raica! Sa roro mai na siga i Jiova,E rerevaki ni lako vata mai kei na cudru levu kei na cudru waqawaqaMe vukica na vanua me domobulataki,+Me vakawabokotaka na kena tamata ivalavala ca.
10 Na kalokalo ni lomalagi kei na matakalokalo*+Ena sega ni cila,Ena buto na matanisiga ni cadra mai,Na vula ena sega ni cila.
11 Au na taroga na vuravura ena vuku ni kena ca,+Kei ira na tamata ca ena vuku ni nodra cakacala.
Au na muduka na nodra viavialevu na dokadoka,Au na vakalolovirataka na nodra dokadoka na voravora.+
12 Au na cakava me kunekunei dredre na tamata, e rawarawa na koula savasava,+Me dredre ni kunei na tamata, e rawarawa na koula ni Oferi.+
13 Oya na vuna au na yavalata kina na lomalagiKei na vuravura me sakure mai na kena vanua+
Ena cudru levu i Jiova ni lewe vuqa ena siga ni nona cudru waqawaqa.
14 Me vaka na kaseli e vakasavi kei na qelenisipi e sega ni dua e kumuna maiEra na dui lesu vei ira na kainodraEra na dui dro ina nodra vanua.+
15 O ira kece na kune era na lausuaKei ira kece na tobo era na bale ena iseleiwau.+
16 Na luvedra ena tatalaki e matadra,+Na nodra vale ena yanarakiKei na watidra ena kucuvi.
17 “Au na vakauqeti ira na kai Mitia mera valuti ira,+Era raica na siliva me ka waleEra sega ni taleitaka na koula.
18 Na nodra dakaititi ena vakamatea na cauravou,+Era na sega ni lomana na vua ni keteEra sega ni lomana na gone.
19 Ia o Papiloni e rogo sara vei ira na veimatanitu,+Na nodra isakisaki kei na lagilagi na Kalitia,+Ena vakataki Sotoma kei Komora ni vakarusa na Kalou.+
20 Ena sega ni tawani taleEna sega tale ni tiko kina e dua ena itabatamata kece.+
Ena sega ni birika e kea na kai Arapea na nona valelacaEna sega tale ga ni dua na ivakatawa me vakadavora e kea na nona qelenisipi.
21 Ena davo e kea na manumanu ni vanua dravuisiga,Ena sinai ena nodra vale na lulu.
Ena vakaitikotiko e kea na ositereji,+Ena veiladeyaki e kea na me kila.*
22 Ena tagi na manumanu mai na nona valececere,Kei na jakoli* ena nona veivale vakaturaga lelevu,Sa voleka na nona gauna, ena sega ni vakaberai na nona siga.”+
iVakamacala e ra
^ Ipe., “o ira au vakatabuya.”
^ Qo na mataivalu vakalomalagi.
^ Ipe., “kei na kena Kesili,” e rairai dusia na Oraioni kei na matakalokalo volekata.
^ Se rawa ni, “timoni e vaka na ibulibuli ni me.”
^ Dua na mataqali koli kila, e ucu momoto, vutivutia na buina, e vaka na irairai ni fokisi.
