Aisea 16:1-14
-
Tomani na itukutuku ca me baleti Moapi (1-14)
16 Moni vakauta e dua na tamanisipi vua na iliuliu ni vanuaMai Seila me takosova na vanua talasigaIna ulunivanua ni goneyalewa ni Saioni.
2 Me vaka na manumanuvuka e vakasavi mai na nona sova+Ena vaka kina o ira na goneyalewa ni Moapi ena wai mamatia e Arinoni.+
3 “Moni bose, moni cakava na ka sa lewai.
Moni cakava na nomuni ivakaruru ena sigalevu me vaka na bogi.
Moni vunitaki ira na veiseyaki, moni kua ni lawakitaki ira na dro tiko.
4 Mera tiko vei iko Moapi na noqu era veiseyaki.
Mo vunitaki ira vei koya e dauvakacaca.+
Ena muduki o koya e dau veivakasauraratakiEna oti na veivakarusaiEra na takali e vuravura na dauveibutu.
5 Ena qai vakataudeitaki ena dei ni loloma na idabedabe vakaturaga.
O koya e dabeca ena valelaca i Tevita ena yalodina,+Ena lewa vakadodonu, ena totolo ni vakayacora na ka dodonu.”+
6 Eda sa rogoca na viavialevu nei Moapi, ni sa dua na ka na nona dokadoka,+Na nona qaciqacia kei na nona viavialevu kei na nona cudru,+Ia ena tawayaga na nona tukutukuni koya.
7 O koya gona o Moapi ena tagicaki MoapiEra na tagi kece.+
O ira na mokulaki era na lolositaka na ibuli vuanivaini rabaraba ni Kiriereseci.+
8 Ni sa malai na were ni Esiponi.+
Na vaini ni Sipima,+Era butubutuka na iliuliu ni veimatanitu na tabana damudamu serau,*E yaco sara i Jaseri,+E tete yani ina vanua talasiga.
E tete na tabana me yaco sara i waitui.
9 Oya na vuna au na tagicaka kina na vaini ni Sipima me vaka na noqu tagicaki Jaseri.
Au na vakasuasuataki kemudrau Esiponi kei Elale+ ena wainimataqu,Ni sa cava na kailavaki ni nomu vuata ni vulaikatakata kei na nomu tatamusuki.*
10 Sa kau tani na marau kei na reki mai na loga ni kauvuata,Sa sega na kaila ni reki se kaikaila ena loganivaini.+
Sa sega tale ni butu waini ena ikeli o koya e dau butuka.
Niu sa tarova na kaila.+
11 Oya na vuna e yavavala kina na lomaqu ena vuku i Moapi,+Me vaka na qiri api,Kei na ketequ ena vuku i Kiriereseci.+
12 Ni vakaocai koya mada ga o Moapi ena vanua cecere qai lako ina nona tikina tabu me masu, ena sega ni rawata e dua na ka.+
13 Qo na vosa e tukuna oti o Jiova me baleti Moapi.
14 E kaya o Jiova: “Ena loma ni tolu na yabaki me vaka na yabaki ni tamata cakacaka saumi,* ena beci na lagilagi nei Moapi ena levu na leqa, era na lewe lailai ga o ira na vo, era na malumalumu.”+
iVakamacala e ra
^ Se “na tabana e sobi ena vuanivaini damudamu.”
^ Se rawa ni, “Ni rogo yani na ibole ni valu ena nomu vuata ni vulaikatakata kei na nomu tatamusuki.”
^ Se “wili vinaka me vaka e cakava na tamata cakacaka saumi,” oya ena tolu vinaka na yabaki.
