Aisea 19:1-25
19 Na itukutuku bibi me baleti Ijipita:+
Raica! E vodo tiko o Jiova ena o totolo me lako i Ijipita.
Era na rerevaki koya na kalou tawayaga ni Ijipita,+Ena waicala e lomana na yalo i Ijipita.
2 “Au na bukana mera veimecaki na kai Ijipita,Era na veivaluvaluti,Era na dui valuta na tacidra kei na wekadraEra na veivaluvaluti na koro, era na veivaluvaluti na matanitu.
3 Ena veilecayaki e lomana na yalo i Ijipita,Au na vakaseva na nona inaki.+
Era na taroga na kalou tawayaga,Na dauvakatevoro kei na dauvakacuru kei ira na daurairai.+
4 Au na soli Ijipita vua e dua na turaga yaloca,Ena lewai ira e dua na tui yalokaukaua,”+ e kaya na Turaga dina, o Jiova ni lewe vuqa.*
5 Ena di na wai ni wasawasa,Ena di tale ga na uciwai, ena mamaca.+
6 Ena boi ca na uciwai,Ena to lailai qai mamaca na basoga ni Naile e Ijipita.
Ena vuca na kuta kei na co babalavu.+
7 Na kau ena bati ni Uciwai na Naile, ena gusu ni Naile,Kei na vanua kece e tei kina na sorenikau ena Naile+ ena malai.+
Ena cagina tani, ena yali sara.
8 Era na tagi na gonedau,Era na osi o ira na kolotaka na batinisiwa ena Uciwai na Naile,Era na malumalumu o ira na balata nodra lawa e delaniwai.
9 O ira na cakava na feleki*+ matailalaiKei ira na dautali isulu vulavula era na madua.
10 Era na lomabibi na nona dautalitali,O ira kece na cakacaka saumi era na rarawa.
11 Era lialia na turaga ni Soani.+
O ira na daunivakasala vuku nei Fero e mawi na nodra ivakasala.+
Oni na kaya vakacava vei Fero:
“O yau na nodra kawa na vukuNa nodra kawa na tui ena gauna makawa”?
12 I vei na nomu tamata vuku?+
Mera tukuna vei iko ke ra kila na lewa i Jiova ni lewe vuqa me baleti Ijipita.
13 E sesewa na nodra ivalavala na turaga ni SoaniEra lawakitaki na turaga ni Nofi,*+Era vakacalai Ijipita na turaga ni nona yavusa.
14 E solia vei ira o Jiova na yalo ni veilecayaki,+Era vakacalai Ijipita ena ka kece e cakavaMe vaka ga ni veisisiyaki na mateni ena nona lua.
15 Ena sega e Ijipita na cakacaka me qaravaNa uluna se na buina, na tabanikau se na co babalavu.*
16 Ena siga oya ena vaka na yalewa o Ijipita, ena sautaninini, ena domobulataka na veivakarerei ni liga i Jiova ni lewe vuqa, ni laveta vua.+
17 Ena rerevaka o Ijipita na vanua o Juta. Era na domobula ni cavuti, ena vuku ni lewa e tauca o Jiova ni lewe vuqa me baleti ira.+
18 Ena siga oya era na vosa vaKenani e lima na koro e Ijipita,+ ra qai bubuluitaka vei Jiova ni lewe vuqa mera yalodina. Ena vakatokai e dua na koro me Koro ni Veivakarusai.
19 Ena siga oya ena dua na icabocabonisoro vei Jiova ena loma ni vanua o Ijipita kei na dua na duru vei Jiova ena kena iyalayala.
20 Me ivakatakilakila, me ivakadinadina vei Jiova ni lewe vuqa ena vanua o Ijipita, nira na tagi vei Jiova ena vukudra na dauveivakasaurarataki, ena tala vei ira e dua na ivakabula, e kaukaua sara, ena vakabulai ira.
21 Era na kilai Jiova na kai Ijipita, era na kilai Jiova na kai Ijipita ena siga oya, era na vakacaboisoro kei na isolisoli, era na bubului vei Jiova ra qai vakayacora.
22 Ena mokuti Ijipita+ o Jiova, ena mokuti koya ena vakabulai koya tale ga, era na lesu vei Jiova, ena rogoca o koya na nodra vakamamasu qai vakabulai ira.
23 Ena siga oya ena dua na gaunisala+ mai Ijipita me yaco i Asiria. Era na lako i Ijipita na kai Asiria, era na lako i Asiria na kai Ijipita, era na qarava na Kalou na kai Ijipita kei ira na kai Asiria.
24 Ena siga oya ena ikatolu vei Ijipita kei Asiria+ o Isireli me ka ni veivakalougatataki e loma i vuravura,
25 ni na vakalougatataka o Jiova ni lewe vuqa, e kaya: “Sa kalougata o Ijipita na noqu tamata, o Asiria na cakacakaniligaqu, kei Isireli na noqu ivotavota.”+
iVakamacala e ra
^ Qo na mataivalu vakalomalagi.
^ Dua na kau tei ni gauna makawa. Na kena wa e caka kina na isululineni.
^ Se “Memifise.”
^ Se rawa ni, “tabaniniuniu kei na kuta.”
