Aisea 33:1-24
33 O sa rarawa o iko na dauveivakarusai ni o sega ni vakarusai,+O iko na daulawaki ni o sega ni lawakitaki!
Ni o veivakarusai oti o na vakarusai,+Ni o lawaki oti o na lawakitaki.
2 Kemuni Jiova moni lomani keimami.+
Keimami nuitaki kemuni.
Moni liga i keimami*+ ena veimataka,Io moni vakabulai keimami ena gauna ni rarawa.+
3 Ni rogo na ue era dro na lewe ni veivanua.
Ni oni tucake era veiseyaki na veimatanitu.+
4 Me vaka ni kumuni vata na vodre daukana, ena kumuni vata va qori na nomuni itokinivalu,Era na sosova totolo na tamata me vaka na yavusa vodre.
5 Ena vakacerecerei o JiovaNi tiko mai cake.
Ena vakasinaiti Saioni o koya ena lewadodonu kei na ivalavala dodonu.
6 Ena vakataudeitaka o koya na nomu gauna,Ena levu na veivakabulai,+ na vuku, na kilaka, kei na dokai* Jiova,+Qo na nona iyau.
7 Raica! Era tagi e gaunisala na nodra qaqa,Era sorova na tagi na italai ni sautu.
8 Sa lala na gaunisala levu,E sega ni dua e lakova na sala.
E beca o koya* na veiyalayalati,E vakawalena na koro,E sega ni kauaitaka na tamata.+
9 E tagi* na vanua, sa malai.
E madua o Lepanoni,+ sa vuca.
E vaka na vanua talasiga o Saroni,Sa mira na draunikau e Pasani kei Kameli.+
10 “Ia qo au na tucake,” e kaya o Jiova,“Qo au na vakacerecerei au,+Qo au na vakalevulevui au.
11 Oni na kunekunetaka na co malai, oni na vakasucuma na vunicovuata.
Na ivakarau ga ni yalomuni ena yameci kemuni me vaka na bukawaqa.+
12 O ira na lewe ni veivanua era na vaka na lase kama.
Me vaka na kau votovotoa e lauta, era na vakamai ena bukawaqa.+
13 O kemuni na tiko vakayawa, moni rogoca na ka au na vakayacora!
O kemuni na tiko voleka, moni kila na noqu kaukaua!
14 Era rere o ira na ivalavala ca e Saioni,+Era sautaninini na vukitani:
‘O cei vei keda ena bula ena vanua e kama tiko?+
O cei vei keda ena bula vata kei na bukawaqa e sega ni boko rawa?’
15 O koya e dodonu tiko ga na nona ilakolako,+E tukuna na ka dodonu,+E cata na iyau e rawati vakailawakiE cata na ligana me vaqumi, e sega ni taura,+E sogota na daligana ni veivosakitaki na vakadavedraE bobo na matana me kua ni raica na ka ca.
16 Ena tiko mai cake o koya.
Na nona idrodro tudei na vatu kaukauaEna soli vua na kena madraiEna sega ni maca na mena wai.”+
17 Na matamu ena raica na tui ena nona iukuukuEra na raica na vanua yawa.
18 Na lomamu ena nanuma* na ka vakadomobula qo:
“I vei na vunivola?
I vei o koya e dau sauma na ivakacavacava?+
I vei o koya e dau wilika na valececere?”
19 O na sega ni raica tale na matatamata dau veibeciNa matatamata e dredre ni kilai na nodra vosaO sega ni kila na ka era tukuna nira kaka.+
20 Raici Saioni, na koro ni noda soqo!+
Na matamu ena raici Jerusalemi na itikotiko ni vakaceguNa valelaca ena sega ni kau tani.+
Ena sega sara ni cavu na pini ni kena valelacaEna sega ni cavuka e dua na kena dali.
21 Ia ena vanua oya, o Jiova o koya e CecereEna taqomaki keda me vaka na uciwai, na ikelimusu rabaEna sega ni vocetaki kina na waqaEna sega ni sokota na waqa vakaturaga.
22 Ni o Jiova e noda Turaganilewa,+O Jiova e noda Vunilawa,+O Jiova e noda Tui,+O koya ga ena vakabulai keda.+
23 Ena luluqa na nomu daliEna sega ni vakaduria na ivana, se vakarewataka na laca.
Ena gauna oya ena votai na itokinivalu e bini tuEra na yauta mada ga vakalevu na lokiloki.+
24 Ena sega ni kaya e dua na lewenivanua: “Au tauvimate.”+
O ira na tiko ena vanua ena vosoti na nodra cala.+
iVakamacala e ra
^ Se “Moni neimami kaukaua.”
^ Ipe., “rerevaki.”
^ Dusia na meca.
^ Se rawa ni “mamaca.”
^ Se “vakasamataka.”
