Aisea 40:1-31
40 “Moni vakacegui ira, moni vakacegui ira na noqu tamata,” e tukuna na nomuni Kalou.+
2 “Moni vosa* vei Jerusalemi me tara na lomana,Moni tukuna vua ni sa oti na nona gauna ni oca,Sa saumi na nona cakacala.+
Ni taura o koya na isau taucoko ni nona ivalavala ca kece mai na liga i Jiova.”+
3 Na domo i koya e kacivaka voli ena vanua talasiga:
“Ni caramaka* na sala i Jiova!+
Vakadodonutaka na gaunisala levu+ ni noda Kalou ena vanua dravuisiga.+
4 Me vakarewaicaketaki na buca keceMe vakarewairataki na ulunivanua kei na delana kece.
Me vakatautauvatataki na vanua sukusukuraKei na vanua kikilo me buca.+
5 Ena vakatakilai na lagilagi i Jiova,+Era na raica vata na tamata kece,+Ni tukuna na gusu i Jiova.”
6 Ni rogoca! E kaya tiko e dua: “Kacivaka!”
E taroga e dua tale: “Na cava meu kacivaka?”
“Sa co drokadroka ga na tamata kece.
E vaka na senikau ni vanua na dei ni nodra loloma kece.+
7 Sa malai na co drokadrokaSa mira na sena,+Ni uvuca na icegu nei Jiova.+
Nira co drokadroka dina ga na tamata.
8 Sa malai na co drokadrokaSa mira na sena.
Ia na vosa ni noda Kalou e tudei me tawamudu.”+
9 Mo cabeta na ulunivanua cecereO iko na yalewa o kauta tiko na itukutuku vinaka baleti Saioni.+
Mo tabalaka vakaukaua na domomuO iko na yalewa o kauta tiko na itukutuku vinaka baleti Jerusalemi.
Tabalaka na domomu, kua ni rere.
Mo kacivaka ina koro e Juta: “Qo na nomuni Kalou.”+
10 Raica! Ena lako mai na Turaga Cecere Duadua o Jiova ena kaukauaEna veiliutaki na ligana ena vukuna.+
Raica! E tiko vua na icoviKei na isau me solia e tu e matana.+
11 Ena qarava* na nona qelenisipi+ me vaka na ivakatawa.
Ena kumuni ira vata na lami e liganaEna keveti ira e lomaserena.
Ena tuberi ira vakamalua na vakasucuma tiko na luvedra.+
12 O cei e vakarautaka na wai ena qeteqeteniligana,+E vakarautaka na lomalagi ena iqaqaloniligana?*
O cei e vakarautaka na kuvuniqele kei vuravura,+Se vakarautaka na ulunivanua ena ivakarauKei na veidelana ena ivakarau bibi?
13 O cei e vakarautaka* na yalo i JiovaO cei e vakavulici koya rawa me nona daunivakasala?+
14 E taro ivakasala vei cei me yalomatua kinaSe o cei e vakavulici koya ena ivalavala ni lewadodonuSe vakavulici koya me kilakaSe vakaraitaka vua na sala ni yalomatua dina?+
15 Raica! Na veimatanitu era vaka e dua na mata ni wai mai na itakitaki,Me vaka na kuvuniqele mamare ena ivakarau bibi.+
Raica! E laveta na veiyanuyanu o koya me vaka ga na kuvuniqele matailalai.
16 E sega mada ga ni veirauti o Lepanoni me waqa tiko kina na bukaE lailai na kena manumanu kila me isoro kama.
17 Na veimatanitu kece e ka wale vua,+E okata mera tawayaga, se sega na betedra.+
18 Oni vakatauvatani cei kei na Kalou?+
Oni na vakatauvatani koya kei na cava?+
19 E bulia na matakau na mataiNa matai ni kaukamea e boroya kina na koula,+Qai botana ena sinucodo siliva.
20 E digia e dua na kau me nona cau.+
Na kau ena sega ni vuca.
E qara e dua na matai maqosa
Me vakarautaka e dua na ivakatakarakara ceuti ena sega ni bale.+
21 Oni sega ni kila?
Oni sega ni rogoca?
E sega ni tukuni vei kemuni mai na ivakatekivu?
Oni se sega ni kila mai na gauna e tauyavu kina o vuravura?+
22 E tiko mai cake e dua, e toka e ra na vuravura mokimokiti,+O ira na lewena era vaka na vodreE tevuka tiko o koya na lomalagi me vaka na isulu mamareE birika me vaka na valelaca me itikotiko.+
23 E vakalolovirataki ira na vakailesilesi liu,E vakatawayagataki ira na turaganilewa* e vuravura.
24 Era sega mada ga ni tei,Era sega mada ga ni kaburaki,E sega ni ti sobu na tolodra ina qele,Nira uvuci era malai sara,Ena vukataki ira na cagi me vaka na vunicovuata.+
25 “Oni vakatauvatani au kei cei me keirau tautauvata?” e kaya o koya na Yalosavasava.
26 “Moni tacake i lomalagi moni raica.
O cei e buli ira qori?+
O koya e kauti ira mai vakamataivalu ena kedra iwiliwili,E kacivi ira kece ena yacadra.+
Ena nona kaukaua levu kei na nona igu vakatubuqoroqoro,+E sega ni dua e yali.
27 Na cava o tukuna kina Jekope, na cava o kaya kina Isireli‘E tabonaki vei Jiova na noqu salaE sega ni lewai au vakadodonu na Kalou’?+
28 O sega ni kila? O sega ni rogoca?
O Jiova, o koya e bulia na iyalayala kei vuravura e Kalou tawamudu.+
E sega ni oca se wawale.+
E sega ni dikevi* rawa na ka e kila tu.+
29 E solia na kaukaua vei koya e ocaKei na igu levu vei ira na malumalumu.+
30 Era na oca era na wawale na gonetagane,Era na tarabe ra qai bale na cauravou,
31 Ia o ira na nuitaki Jiova era na vakaukauataki tale.
Era na vuka e tabadra me vaka na ikeli.+
Era na cici era na sega ni wawaleEra na taubale era na sega ni oca.”+
iVakamacala e ra
^ Se “Moni vosa vakamalua.”
^ Se “vakarautaka.”
^ Se “vakatawa.”
^ Na veiyawaki ni mua ni idovidovi ni kakana kei na ilolokunimate ni dede na liga. Raica na iKuri B14.
^ Se rawa ni “kila.”
^ Se “iliuliu.”
^ Se “sega ni katumi rawa.”
