Aisea 56:1-12
56 Qo na ka e kaya o Jiova:
“Moni tokona na lewadodonu,+ moni cakava na ka dodonu,Ni sa voleka sara na noqu veivakabulaiMe vakavotui na noqu yalododonu.+
2 E marau na tamata e cakava qoKei na luve ni tamata e taura dei,E vakatabuya na Siga ni Vakacecegu, e sega ni beca+E tarova na ligana mai na ka ca.
3 Na kaitani e torovi Jiova me kua ni kaya,‘Ena tawasei au sara ga o Jiova+ vei ira na nona tamata.’
Me kua tale ga ni kaya na tagane e sega ni vakaluveni rawa,* ‘Raica! O yau na vunikau madu.’”
4 Ni qo na ka e kaya o Jiova vei ira na tagane era sega ni vakaluveni rawa era vakatabuya na noqu siga ni vakacecegu, era digia na ka au taleitaka, era taura dei na noqu veiyalayalati:
5 “Au na solia vei ira ena noqu vale kei na noqu lomanibai e dua na ivakananumi kei na dua na yaca,E uasivia me so na luvedra tagane kei na luvedra yalewa.
Au na solia vei ira e dua na yaca e sega ni mudu,Ena sega ni boko rawa.
6 O ira na kaitani era torovi Jiova mera qaravi koya,Mera lomana na yaca i Jiova+Mera nona dauveiqaravi,O ira kece era vakatabuya na Siga ni Vakacecegu, era sega ni becaEra dei tiko ga ena noqu veiyalayalati,
7 Au na kauti ira tale ga mai ina noqu ulunivanua tabu,+Au na vakamarautaki ira ena loma ni noqu vale ni masu.
Na nodra isoro kama taucoko kei na nodra isoro ena vakadonui ena noqu icabocabonisoro.
Ni na vakatokai na noqu vale me nodra vale ni masu na lewe ni veivanua kece.”+
8 E kaya na Turaga Cecere Duadua o Jiova, o koya e soqoni ira na Isireli+ era veiseyaki:
“Au na soqona yani vua eso, mera wili vata kei ira sa soqoni oti.”+
9 O kemuni kece na manumanu kila ni vanua, ni lako mai moni kana,O kemuni kece na manumanu kila ni veikau.+
10 O ira na nona ivakatawa era mataboko,+ e sega ni dua e kauai.+
Era koli galu kece, era sega ni kodro rawa.+
Era cegulevu, era davo, era taleitaka na moce.
11 Era koli daukana,Era sega ni mamau rawa.
Era ivakatawa yalowai.+
Era dui muria kece na nodra sala,Era dui qara ga na ka mera rawaka vakailawaki kina, era kaya:
12 “Moni lako mai, meu kauta mada eso na waini,Meda gunuva vakalevu na alakaolo.+
Nimataka ena vaka ga na siga nikua, ia ena vinaka sara!”
iVakamacala e ra
^ Ena vosa vakaIperiu e dusia e dua e sele na yagona tabu.
