Aisea 58:1-14
58 “Mo kaci ena domolevu, mo kua ni wawa!
Mo tabalaka na domomu me vaka na davui.*
Mo tukuna vei ira na noqu tamata na nodra talaidredre,+Ina vuvale i Jekope na nodra ivalavala ca.
2 Era qarai au ena veisiga,Era marautaka mera kila na noqu ivalavala,Me vaka na matanitu dau cakadodonuEra sega ni biuta na lewa ni nodra Kalou.+
Era tarogi au ena lewadodonu,Era marau mera toro volekata na Kalou:+
3 ‘Na cava oni sega ni raica kina na neimami lolo?+
Na cava oni sega ni kauai kina ni keimami vakararawataki keimami?’+
Ena siga ni nomuni lolo oni qara tiko ga na ka me baleti kemuni,*Oni vakasaurarataki ira na nomuni tamata cakacaka.+
4 Na nomuni lolo e tini ena veiba kei na veivala,Oni veivacu ena liga ivalavala ca.
Oni sega ni lolo me vaka oni cakava tiko nikua me qai rogoci mai lomalagi na domomuni.
5 Vakacava, me va qo na lolo au vinakata,Me vaka na siga e vakararawataki koya kina e dua,Me vakacuva na uluna me vaka na co babalavu,Me cakava na isulutaga kei na dravusa me nona idavodavo?
O na vakatoka qo me lolo kei na siga e vinakata o Jiova?
6 Sega, qo na lolo au vinakata:
Moni sereka na ivesu e sega ni dodonu,Moni sereka na dali ni ivua,+Moni sereki ira na vakasaurarataki,+Moni musuka rua na ivua kece,
7 Mo wasea na kemu madrai vei ira na viakana,+Mo kauti ira na dravudravua kei ira na sega na nodra vale ina nomu valeMo vakaisulutaki koya o raica ni luvaiwale tu,+Mo kua ni vakanadakuya na wekamu.
8 Ena qai kida na nomu rarama me vaka na mataka,+O na bulabula totolo.
Ena liutaki iko na nomu ivalavala dodonu,Ena muri iko na lagilagi i Jiova.+
9 Ni o masu ena rogoci iko o Jiova,O na kere veivuke, ena tukuna mai o koya, ‘O yau qo!’
Ke o kauta tani vei iko na ivuaMo kua ni veidusi, se cavuta na vosa mosi,+
10 Ke o solia vei ira na viakana tu na ka o dau vinakata+
O qai vakacegui ira na rarawa tu,Ena ramase na nomu cina ena buto,Na nomu butobuto ena vaka na sigalevu.+
11 Ena liutaki iko tiko ga o JiovaEna vakacegui iko ena vanua sigasiga,+Ena vakaukauataka na suimu o koya,O na vaka na iteitei e vakasuasuataki vinaka,+Me vaka na ivurevure ni wai e sega ni maca.
12 Era na tara tale na veivanua sa rusa dede tu ena vukumu,+O na tara tale na yavu ni itabatamata sa oti.+
O na vakatokai mo dau vakavinakataki bai kabasu,+Mo dau vakavinakataki gaunisala me tawani.
13 Ke o vakatabuya na Siga ni Vakacecegu mo kua* ni vakayacora na ka me baleti iko* ena noqu siga tabu+Mo vakatoka na Siga ni Vakacecegu me marautaki, na siga tabu i Jiova, na siga me dokai,+Mo doka ni o sega ni qara na ka me baleti iko se vosa wale kina,
14 O na qai marautaki Jiova,Au na vakavodoki iko mo lakova na vanua cecere e vuravura.+
Au na vakani* iko ena ivotavota i Jekope na nomu qase,+Ni tukuna na gusu i Jiova.”
iVakamacala e ra
^ Ipe., “ileu.”
^ Se “na ka oni taleitaka.”
^ Ipe., “tarova na yavamu.”
^ Se “na ka o taleitaka.”
^ Se “vakamarautaki.”
