Aisea 65:1-25
65 “Era qarai au o ira na sega ni tarogi au,Era kunei au o ira na sega ni qarai au.+
Au kaya, ‘O yau qo, o yau qo!’ vua na matanitu e sega ni masuta na yacaqu.+
2 Au dodoka na ligaqu ruarua ena siga taucoko vei ira na yalokaukaua,+Vei ira era muria tiko na sala ca,+Era muria ga na nodra nanuma.+
3 O ira era vakacudrui au tiko ga e mataqu,+Era vakacaboisoro ena basenikau,+ era vakama na isoro ena dela ni biriki.
4 Era dabe tiko ena ibulubulu,+Era moce ena bogi ena vanua tabogo*Era kania na lewe ni vuaka,+Kei na su ni ka duka e tawa ena nodra bilo.+
5 Era kaya, ‘Moni tiko ga e keri, kua ni torovi au mai,Niu yalosavasava sara vei kemuni.’*
O ira qo na kubou ena ucuqu, na buka e waqa tiko ena siga taucoko.
6 Raica! E volai e mataqu,Au na sega ni tu vakadua,Ia au na saumi ira,+Au na sauma vei ira na kena isau taucoko*
7 Na nodra cala kei na cala nei tukadra,”+ e kaya o Jiova.
“Nira vakama na isoro ena veiulunivanuaEra beci au ena veidelana,+Au na sauma sara ga e liu na kedra isau taucoko.”*
8 Qo na ka e kaya o Jiova:
“Me vaka ni kune na waini vou ena isoso vuanivainiE kaya e dua, ‘Kua ni vakacacana ni tiko kina eso na ka vinaka,’*Qori tale ga na ka au na vakayacora ena vukudra na noqu tamata,Au na sega ni vakarusai ira kece.+
9 Au na kauta mai vei Jekope e dua na kawa,Mai vei Juta e dua me taukena na noqu veiulunivanua,+O ira na noqu digitaki era na taukena,O ira na noqu tamata era na tiko kina.+
10 O Saroni+ ena vanua veico ni sipiKei na Vanua Buca o Akori+ me ivakavakacegu ni bulumakau,Ena vukudra na noqu tamata era qarai au.
11 Ia o kemuni na maliwai ira na biuti Jiova,+Oni guilecava na noqu ulunivanua tabu,+Oni vakarautaka na teveli me nona na kalou ni Kalougata,Kei ira na livia na bilo waini veiwaki vua na kalou ni ka sa Lewai Oti.
12 Au na lewa gona meu soli kemuni ina iseleiwau,+Oni na cuva kece moni vakamatei,+Niu kaci yani, oni sega ni sauma mai,Au vosa, oni sega ni rogoca,+Oni vakayacora tiko ga na ka ca e mataqu,Oni digia na ka au sega ni taleitaka.”+
13 Ia qo na ka e kaya na Turaga Cecere Duadua o Jiova:
“Raica! Era na kana na noqu tamata, oni na viakana.+
Raica! Era na gunu na noqu tamata,+ oni na karamaca.
Raica! Era na marau na noqu tamata,+ oni na madua.+
14 Raica! Era na kaila ena marau na noqu tamata ni vinaka na lomadra,Ia oni na tagi ni rarawa na lomamuniOni na qoqolou ni vusolo na yalomuni.
15 Oni na biuta tu mai e dua na yaca era na vakayagataka na noqu digitaki me vosa ni veicudruvi,Ena vakamatei kemuni yadudua na Turaga Cecere Duadua o Jiova,Ia ena vakatokai ira na nona tamata ena dua tale na yaca.+
16 O koya e kerea me vosa vakalougatataki e vuravuraEna vosa vakalougatataki koya na Kalou dina,*O koya e bubului e vuravuraEna bubului ena yaca ni Kalou dina.*+
Ni na guilecavi na rarawa* e liu,Era na vunitaki e mataqu.+
17 Raica! Au sa bulia na lomalagi vou kei na vuravura vou,+Ena sega tale ni nanumi na ka makawa,Ena sega ni tiko e lomamuni.+
18 Ia moni reki, moni marautaka me tawamudu na ka au sa bulia.
Raica! Au buli Jerusalemi me vu ni marauKei ira na lewena me vu ni reki.+
19 Au na marautaki Jerusalemi, au na rekitaki ira na noqu tamata,+Ena sega tale ni rogo e kea na domo ni tagi se qoqolou.”+
20 “Ena sega tale ni tiko kina e dua na gonedramidrami e vica ga na siga na nona bula,Se dua na qase e tini koso na nona bula.
O koya e mate ni yabaki duanadrau ena vaka ga na gone,Ena cudruvi na tamata ivalavala ca e duanadrau na nona yabaki.*
21 Era na tara vale era na tiko kina,+Era na tea na loganivaini era na kania na vuana.+
22 Era na sega ni tara vale qai duatani e tawana,Era na sega ni tea qai duatani e kania.
Na nodra gauna na noqu tamata ena vaka na dede ni dua na vunikau,+Era na marautaka vakalevu na cakacaka ni ligadra o ira au digitaka.
23 Era na sega ni oca wale,+Se vakasucu gone mera rarawa,Nira kawa ni tamata e vakalougatataka o Jiova,+O ira kei na luvedra.+
24 Ni bera nira masu mai, au na sauma,Nira se vosa tiko, au na rogoca.
25 Ena kana vata na olifa kei na lami,Ena kana tolonicovuata madu na laione me vaka na bulumakau,+Ena kena kakana na gata na kuvuniqele.
Era na sega ni veivakamavoataki se veivakacacani ena noqu ulunivanua tabu kece,”+ e kaya o Jiova.
iVakamacala e ra
^ Se rawa ni, “bure ni yadra.”
^ Se rawa ni, “Au na tukuna vei kemuni na noqu savasava.”
^ Ipe., “lomaseredra.”
^ Ipe., “lomaseredra.”
^ Ipe., “ka ni veivakalougatataki.”
^ Se “yalodina.” Ipe., “Emeni.”
^ Se “yalodina.” Ipe., “Emeni.”
^ Se “leqa.”
^ Se rawa ni, “Ena cudruvi o koya e sega ni yacova na duanadrau.”
