Apakuki 1:1-17
1 Na itukutuku bibi a raivotutaka na parofita o Apakuki:*
2 Me vakacava na dede ni noqu kere veivuke vei kemuni Jiova, ia oni sega ni rogoca?+
Me vakacava na dede ni noqu kerei kemuni moni vukei au mai na ivalavala voravora, ia oni sega ni veivakabulai?+
3 Na cava oni vakatara kina meu raica na ka ca?
Na cava oni vakatara kina na veivakasaurarataki?
Na cava e yaco tiko kina na veivakarusai kei na ivalavala voravora e mataqu?
Na cava e levu kina na veiba kei na veivala?
4 O koya gona sa malumalumu na lawa,Sa sega ni vakayacori na lewadodonu.
Nira wavoliti ira na yalododonu na tamata ca,Qori na vuna e vakatanitaki kina na lewadodonu.+
5 “Moni rai yani ina veimatanitu, moni vakasamataka!
Moni wadra ena qoroqoro, moni kurabui,Ni na yaco e dua na ka ena nomuni gaunaOni na sega ni vakabauta ke tukuni mada ga vei kemuni.+
6 Ia qo au sa uqeti ira na Kalitia,+Na matanitu vakadomobula, e raravisa,Era lakova na veivanua e sega ni lati tu e vuravuraMera kovea na vale e sega ni nodra.+
7 Era vakadomobula era vakarerevaki.
Era tauyavutaka ga na nodra lewa kei na nodra veiliutaki.+
8 E totolo sara nodra ose vei ira na lepate,Era vakarerevaki sara vei ira na olifa ni bogi.+
E gutuwa e liu na nodra osenivalu,E lako sara mai vakayawa na nodra ose.
Era co me vaka na ikeli nira vakusakusa mera kana.+
9 Era nakita kece mera valavala kaukaua.+
Ni soqoni vata na matadra e vaka na cagi na tokalau,+Era kumuni* ira na bobula me vaka na nuku.
10 Era vakalialiai ira na tui,Era dredrevaki ira na vakailesilesi liu.+
Era dredrevaka na vanua vakabai kece,+Era binia na kuvuniqele ra qai valuta.
11 Era qai toso i liu me vaka na cagi, era lakosivita sara,Ia era na cala kina,+Nira kaya ni vu ni nodra kaukaua na nodra kalou.”+
12 Kemuni Jiova, oni bula mai liu sara?+
Kemuni na noqu Kalou, kemuni na noqu Yalosavasava, oni sega ni mate.*+
Kemuni Jiova oni lesi ira mera veitotogitaki,Na noqu Uluvatu+ oni tauyavutaki ira mera veivunauci.+
13 Sa rui savasava na matamuni moni raica na ka ca,Oni sega ni vosota na ivakarau ca.+
Na cava gona oni vakaraici ira tiko kina na dauveivakaisini,+Moni galu tiko ga ni tiloma na yalododonu na tamata ca?+
14 Na cava oni cakava kina na tamata me vaka na ika ni wasawasa,Me vaka na manumanu qasi e sega na nodra turaga?
15 E siwati ira kece qori o koya* ena dua ga na batinisiwa.
E toboki ira ena nona lawa,E kumuni ira ena nona lawa ni qoli.
Oya na vuna e marau kina vakalevu.+
16 Oya na vuna e vakacaboisoro kina ina nona lawa,E cabora na isoro* ina nona lawa ni qoli,Ni urouro vinaka kina na nona ivotavota,E bulabula na kena kakana.
17 Ena vakalala tiko ga o koya na nona lawa?*
Ena vakamatei ira tiko ga na veimatanitu qai sega ni lomani ira?+
iVakamacala e ra
^ Rawa ni kena ibalebale “Veimoko Vakaukaua.”
^ Ipe., “takivi.”
^ Se rawa ni, “keimami na sega ni mate.”
^ Oya na meca mai Kalitia.
^ Se “isoro kubou.”
^ Se rawa ni, “ucuna tiko ga o koya na nona iseleiwau?”
