Apakuki 3:1-19
3 Na masu nei Apakuki na parofita, ena sere ni lolosi:
2 Kemuni Jiova, au sa rogoca na kemuni itukutuku.
Au qoroya, kemuni Jiova, na nomuni cakacaka.
Moni vakabulabulataka na nomuni cakacaka ena loma ni veiyabaki!*
Moni vakatakila ena loma ni veiyabaki.*
Moni nanuma mada ga moni vakaraitaka na loloma ena gauna ni veilecayaki.+
3 E lako mai Temani na Kalou,Na Yalosavasava mai Ulu i Perana.+ (Sela)*
E robota na lomalagi na nona lagilagi,+E sinai o vuravura ena vakacaucau vua.
4 Na kena iserau e vaka na rarama.+
E rua na rarama e cila mai ligana,Na vanua e vuni tiko kina na nona kaukaua.
5 E liu vua na matedewa,+Qai muria na yavana na katakata.
6 E tu vakadua me yavalata na vuravura.+
Ni rai yani, era lade na veimatanitu.+
E vorovorolaki na veiulunivanua tu dede,E cuva sobu na veidelana makawa.+
E nona na gaunisala mai liu sara.
7 Au raica ni rarawa na valelaca i Kusani.
E yavavala na ilati ni valelaca ni vanua o Mitiani.+
8 Oni cata na veiuciwai, kemuni Jiova,Oni yalokatakatataka na veiuciwai?
Se oni cudruva na wasawasa?+
Ni oni vodoka na nomuni ose,+E qaqa* na nomuni qiqi.+
9 Sa ucuni na nomuni dakaititi, sa vakarau tu.
E tukuni vua na ititoko* na vosa ni bubului.* (Sela)
Oni wasea na vuravura ena uciwai.
10 Ni raici kemuni na veiulunivanua, e sautaninini ena mosi.+
E bisa na uca, e coka na dobui.
E vadugu na wai titobu.+
E dulaka cake na ligana.
11 E tu vakadua na matanisiga kei na vula ena nodrau itikotiko cecere.+
E lako yani na nomuni gasau me vaka na rarama.+
E serau na tatibi ni nomuni moto.
12 Oni lako voli yani e vuravura ena cudru.
Oni buturaka na veimatanitu ena cudru.
13 Oni lako yani moni vakabulai ira na nomuni tamata, moni vakabula na nomuni lumuti.
Oni qaqia na iliuliu ni nodra vale na tamata ca.
E vakaraitaki na kena yavu me yaco i dokana.* (Sela)
14 Oni coka na uludra na nona tamataivalu ena nona iyaragi*Nira lako vakusakusa mai mera vakasavi au.
Era marau vakalevu mera vakaleqai koya lo e vakaloloma tu.
15 Oni lako ena loma ni wasawasa kei na nomuni ose,Ena loma ni wailevu seuseua.
16 Au rogoca, e yavala na lomaqu,*Ni rogo mai, e ninini na tebenigusuqu,E vuca na suiqu,+E sautaninini na yavaqu e ra.
Ia au waraka ena vakanomodi na siga ni rarawa,+Ni lako yani vei ira na tamata era valuti keda.
17 Ena rairai sega ni vua na vunilolo,De sega na vua ni vaini,Ena rairai sega ni vua na vuniolive,De sega ni tubu na kakana ena were,Ena rairai yali na qelenisipi ena bai,De sega na bulumakau ena lomanibai,
18 Ia o yau au na rekitaki Jiova,Au na marautaka na Kalou na noqu ivakabula.+
19 E noqu kaukaua+ o Jiova na Turaga Cecere Duadua,Ena cakava na yavaqu me vaka na yava ni dia,Ena tuberi au meu lako ena vanua cecere.+
Vua na iliuliu ni sere, ena noqu ivakatagi vakawa.
iVakamacala e ra
^ Se rawa ni, “ena neimami gauna.”
^ Se rawa ni, “ena neimami gauna.”
^ Raica na iVakamacala ni Vosa.
^ Se “veivakabulai.”
^ Se rawa ni, “gasau.”
^ Se rawa ni, “E cavuti na nodra bubului na veiyavusa.”
^ Ipe., “domona.”
^ Ipe., “ititoko.”
^ Ipe., “yavavala na ketequ.”
