Vei Ira mai Efeso 2:1-22
2 Kena ikuri, e vakabulai kemuni na Kalou, e dina ni oni a mate tu ena nomuni cala kei na nomuni ivalavala ca,+
2 ni oni a muria voli ena dua na gauna na ivakarau ni bula ni vuravura qo,+ na ivakarau e vinakata na iliuliu e lewa tu na cagi,+ qo na yalo+ e cakacaka tiko e lomadra na luve ni talaidredre.
3 Io ena dua na gauna eda a muria tu na nodra itovo e salavata kei na gagadre ni yagoda,+ eda cakava na ka e vinakata na yagoda kei na noda vakanananu,+ sa dodonu gona meda okati meda gone cudruvi+ me vakataki ira na kena vo.
4 Ia ena levu ni nona kauaitaki keda+ na Kalou kei na levu ni nona lomani keda,+
5 e vakabulai keda meda duavata kina kei Karisito, dina nida mate tu ena noda cala+—oni vakabulai ena nona loloma soli wale.
6 E vakaturi keda vata qai vakatikori keda vata ena itikotiko vakalomalagi, nida imuri i Karisito Jisu,+
7 koya gona ena ivakarau ni bula ena gauna se bera mai* ena qai uasivi sara na nona loloma soli wale kei na nona yalovinaka vei keda nida duavata kei Karisito Jisu.
8 Na loloma soli wale qo oni vakabulai kina ena vuku ni nomuni vakabauta,+ sega ena nomuni sasaga, e isolisoli ga ni Kalou.
9 Sega, oni sega ni rawata ena nomuni cakacaka,+ e sega kina na yavu me sakitaki koya e dua.
10 Nida weniliga ni Kalou, da qai buli+ ena vuku ni noda duavata kei Karisito Jisu,+ e dodonu meda cakava na ka vinaka e nakita tu vei keda na Kalou.
11 O koya gona, moni nanuma tiko ni oni a lewe ni veimatanitu ena yagomuni, era kacivi kemuni moni “tawacili” o ira e “cilivi” na yagodra ena liga.
12 Oni a sega ni kilai Karisito ena gauna ya, oni a tawasei mai na matanitu o Isireli, oni qai vulagi ena veiyalayalati e vauci kina na vosa ni yalayala,+ oni bula voli e vuravura ia a sega tu na nomuni inuinui, oni sega tale ga ni kila na Kalou.+
13 Ia qo ni oni sa duavata kei Karisito Jisu o kemuni oni a yawaka tu na Kalou, oni sa mai volekati koya ena vuku ni dra i Karisito.
14 E vu ni noda duavata o koya,+ e vakaduavatataka na ito e rua,+ qai vakarusa na bai ena kedrau tadrua e lati rau.+
15 Na nona cabora na yagona e bokoca kina na vu ni veimecaki, ya na Lawa e umani kina na ivunau kei na ivakaro, me vakaduavatataki koya kei na rua na matatamata me buli kina e dua na tamata vou,+ me rawati kina na veiyaloni,
16 me vakaduavatataki taucoko sara kina na rua na matatamata me dua ga na yago vua na Kalou ena vuku ni kaunirarawa,*+ ni sa vakamatea kina vakadua na veimecaki+ ena vuku ni yagona.
17 E lako mai qai tukuna na itukutuku vinaka ni vakacegu vei ira na yawa tu, ya o kemuni, kei ira na voleka,
18 ena vukuna e rawa kina vei keda na rua na matatamata meda torova na Tamada ena dua ga na yalo tabu.
19 O koya gona, oni sa sega ni qai vulagi se kaitani,+ oni sa itaukei+ vata kei ira na yalosavasava, oni lewe ni vuvale ni Kalou,+
20 oni tara cake ena nodra yavu na yapositolo kei na parofita,+ e ivakadei ni tutunivale+ o Karisito Jisu.
21 Ni oni duavata kei koya,+ e veisemati vinaka kina na vale taucoko qai tubu tiko me dua na valenisoro tabu i Jiova.*+
22 Ena nomuni duavata kei koya, o kemuni tale ga oni taraicake moni dua na vanua me nona na Kalou me tiko kina na yalona.+
iVakamacala e ra
^ Se “na itabagauna se bera mai.” Raica na iVakamacala ni Vosa.
^ Raica na iVakamacala ni Vosa.
