Emosi 4:1-13
4 “Moni rogoca na vosa qo, o kemuni na bulumakau yalewa ni Pasani,Oni tiko ena ulunivanua o Samaria,+O kemuni na yalewa oni dabui ira na vakaloloma,+ oni qaqi ira na dravudravua,Oni tukuna vei ira na watimuni,* ‘Ni kauta mai e dua na ka meda gunuva!’
2 E bubului ena nona savasava na Turaga Cecere Duadua o Jiova,‘“Raica! Sa voleka na gauna ena vakaliligi kemuni kina o koya ena iqilaKei ira na vo vei kemuni ena batinisiwa.
3 Oni na dui curu ena kabasu ni bai oni donuya,Oni na biu e Amoni,” e kaya o Jiova.’
4 ‘Moni lako mai Peceli moni cakacala* kina,+E Kilikali moni cakacala vakalevu!+
Moni kauta mai na nomuni isoro+ ena mataka,Kei na nomuni ikatini+ ena ikatolu ni siga.
5 Moni vakama na isoro ni vakavinavinaka, na madrai vakaleveni,+Moni kacivaka ena domolevu na nomuni isolisoli!*
Ni oni taleitaka moni cakava qori, o kemuni na Isireli,’ e kaya na Turaga Cecere Duadua o Jiova.
6 ‘Ia o yau, au vakasavasavataka na batimuni mai na kakana* ena nomuni koro keceMe oti tale ga na madrai ena nomuni vale kece,+Ia oni sega ni lesu mai vei au,’+ e kaya o Jiova.
7 ‘Au sega ni vakatauca na uca vei kemuni ni vo e tolu na vula ni tatamusuki,+Au vakatauca na uca ena dua na koro, ia au sega ni vakatauca ena dua tale na koro.
E dua na tikinivanua me tauca na uca,Ia na tikinivanua e sega ni tauca na uca me mamaca.
8 Era taceba na lewe ni rua se tolu na koro mera lai gunu wai ena dua na koro,+E sega ni oti rawa na nodra karamaca,Ia oni sega ni lesu mai vei au,’+ e kaya o Jiova.
9 ‘Au yaviti kemuni ena cagi katakata kei na malai ni kau.+
Oni vakalevutaka na nomuni iteitei kei na nomuni loganivaini,Ia ena kania na vodre na nomuni vunilolo kei na vuniolive,+Oni sega ga ni lesu mai vei au,’+ e kaya o Jiova.
10 ‘Au tala yani vei kemuni na matedewa me vaka mai Ijipita.+
Au vakamatei ira na nomuni cauravou ena iseleiwau,+ au vesuka na nomuni ose.+
Au vakuvuya cake na bona ni nomuni keba e ucumuni,+Ia oni sega ni lesu mai vei au,’ e kaya o Jiova.
11 ‘Au vakarusa na nomuni vanuaMe vaka na nona vakarusai Sotoma kei Komora+ na Kalou.
Oni vaka na kau e kaliraki mai na bukawaqa,Ia oni sega ni lesu mai vei au,’+ e kaya o Jiova.
12 O koya gona, qo na ka au na vakayacora vei iko Isireli.
Qo na ka au na cakava vei iko,Mo vakarau mo tavaka na nomu Kalou.
13 Raica! o koya ga e bulia na veiulunivanua,+ e vakavuna na cagi,+E tukuna vua na tamata na nona nanuma,E vukica na mataka me butobuto,+E butuka na veivanua cecere e vuravura,+Na yacana o Jiova na Kalou ni lewe vuqa.”*
iVakamacala e ra
^ Se “na nomuni turaga.”
^ Se “talaidredre.”
^ Ipe., “isolisoli sega ni lavaki.”
^ Se “sega ni solia vei kemuni na kakana moni kania.”
^ Qo na mataivalu vakalomalagi.
