Emosi 5:1-27
5 “Moni rogoca na vuvale ni Isireli na vosa au lagata qo vei kemuni me vaka na sere ni lolosi:
2 ‘Sa bale na goneyalewa o Isireli,Sa sega ni duri rawa tale.
Sa biu tu ena nona vanua,E sega ni dua me vakaduri koya cake.’
3 “Qo na ka e tukuna na Turaga Cecere Duadua o Jiova:
‘Na koro e lako mai kina e duanaudolu ena vo ga kina e duanadrau,Kei na koro e lako mai kina e duanadrau ena vo ga kina e tini, ena vuvale ni Isireli.’+
4 “Qo na ka e tukuna o Jiova ina vuvale ni Isireli:
‘Moni vaqarai au moni bula tiko ga kina.+
5 Moni kua ni vaqarai Peceli,+Kua ni lako i Kilikali+ se lako sara i Pieri-sepa,+Ni na kau vakavesu dina o Kilikali,+Ena ka wale o Peceli.
6 Moni vaqarai Jiova moni bula tiko ga kina,+De caudre o koya me vaka na bukawaqa me yameca na vuvale i Josefa,Me yameci Peceli qai sega ni dua me bokoca.
7 Oni vakatanitaka na lewadodonu me kaugaga,Oni biuta na ivalavala dodonu ina qele.+
8 O koya e bulia na matakalokalo na Kaima* kei na matakalokalo na Kesili,*+O koya e vukica na butobuto loaloa me mataka,O koya e vukica na siga me butobuto me vaka na bogi,+O koya e kaciva na wai ni wasawasaMe sova yani ena dela i vuravura,+O Jiova na yacana.
9 Ena vakarusai ira vakasauri na tamata qaqa,Ena vakarusa na veivanua vakabai.
10 Era cati ira na dauveivunauci ena matamatanikoro,Era sevaki ira na tukuna na ka dina.+
11 Ni oni lavaka na rede ni iteitei* vua na dravudravua,Oni kauta na nona covuata me ivakacavacava,+Oni na sega ni tiko ga ena vale oni tara ena vatu ta+Se gunuva na waini mai na loganivaini vinaka oni tea.+
12 Niu kila na levu ni nomuni talaidredre,*Kei na levu ni nomuni ivalavala caOni vakacacana na tamata yalododonu,Oni taura na ilavo ni veivaqumi,Oni sega ni lewa vakadodonu na dravudravua ena matamatanikoro.+
13 Ia o koya e yalomatua ena galu tiko ga ena gauna oya,Ni gauna ca.+
14 Moni vaqara na ka vinaka kua na ka ca,+Moni bula tiko ga kina.+
Ena qai tiko vata kei kemuni o Jiova, na Kalou ni lewe vuqa,*Me vaka ga oni kaya.+
15 Moni cata na ka ca, moni taleitaka na ka vinaka,+Moni lewa vakadodonu ena matamatanikoro.+
De dua o Jiova na Kalou ni lewe vuqaEna lomani ira na vo tiko vei Josefa.’+
16 “Ia qo na ka e tukuna o Jiova, o Jiova na Kalou ni lewe vuqa:
‘Ena ia na tagilagalaga ena rara ni koro kece,Era na kaya ena gaunisala kece, “Oilei, oilei!”
Era na kacivi ira na dauteitei mera tagiKei ira na daunitagi mera tagilagalaga.’
17 ‘Ena loganivaini kece ena ia kina na tagilagalaga,+Niu na lako voli yani ena kemuni maliwa,’ e kaya o Jiova.
18 ‘Era rarawa o ira na vinakata me yaco na siga i Jiova!+
Na cava na ibalebale ni siga i Jiova vei kemuni?+
Ena butobuto, ena sega ni rarama.+
19 Ena vaka na tamata e drovaka na laione qai tavaki koya na bea,Ni curu ina nona vale, e tataba na ligana e lalaga qai kati koya na gata.
20 Ena butobuto na siga i Jiova, ena sega na rarama,Ena rugurugua qai sega ni ramase?
21 Au cata, au vakasisilataka na nomuni soqo,+Au sega ni taleitaka na iboi ni nomuni soqo bibi.
22 Ia ke oni cabora vei au na isoro kama taucoko kei na isolisoli,Au na sega ni taleitaka qori,+Au na sega ni vakadonuya na nomuni manumanu uro ni isoro ni veiyaloni.+
23 Ni kauta tani vei au na nomuni sere karakaravisa,Meu kua ni rogoca na tamela ni nomuni ivakatagi vakawa.+
24 Ia me dave na lewadodonu me vaka na wai,+Kei na ivalavala dodonu me vaka na drodro ni uciwai e sega ni maca rawa.
25 Vakacava, oni kauta mai vei au na isoro kei na isolisoliEna 40 na yabaki oni tiko kina ena vanua talasiga, kemuni na vuvale ni Isireli?+
26 Ia qo oni na colati Sakoca na nomuni tui kei Kaiwani,*Na nomuni ivakatakarakara, na kalokalo ni nomuni kalou oni bulia me nomuni,
27 Au na kauti kemuni vakavesu moni sivi Tamasiko,’+ e kaya o koya e yacana o Jiova na Kalou ni lewe vuqa.”+
iVakamacala e ra
^ De kalokalo na Peliatisi ena matakalokalo na Taurusi.
^ De matakalokalo na Oraioni.
^ Se “ivakacavacava ni qele.”
^ Se “basulawa.”
^ Qo na mataivalu vakalomalagi.
^ Na kalou ruarua qo e rairai dusia na vuravura o Saturn, e sokaloutaki me kalou.
