Esera 10:1-44
10 Ni masu tiko o Esera+ me vakatutusa, e tagi qai davo vakatoboicu ena mata ni vale ni Kalou dina, era soqoni wavokiti koya e dua na ilala tagane levu, o ira na yalewa kei ira na gone, nira tagi vakalevu.
2 E qai kaya vei Esera o Sekanaia na luvei Jieli+ na luvei Ilama:+ “Keimami sa tawayalodina vua na noda Kalou ni keimami vakawatitaki ira* na yalewa vulagi mai vei ira na lewe ni veivanua.+ Ia se tiko ga na inuinui vei ira na Isireli ni yaco oti qo.
3 Meda veiyalayalati mada qo kei na noda Kalou+ me keimami vakatalai ira tani na wati keimami kece kei ira era vakasucuma me vaka na ivakasala i Jiova, kei ira era doka na ivakaro ni noda Kalou.+ Meda vakayacora me vaka na Lawa.
4 Mo tucake, ni nomu itavi qo, keimami na tokoni iko. Mo kaukaua, mo yavala.”
5 E tucake sara o Esera mera bubului o ira na iliuliu ni bete, o ira na Livai, kei ira kece na Isireli mera vakayacora na ka sa tukuni.+ Era mani bubului.
6 E qai tucake o Esera mai na mata ni vale ni Kalou dina me lako ina rumu* nei Jionanai na luvei Iliasipi. Ia e sega ni kana se gunu wai ni tiko e kea, ni a lolositaka tiko na nodra sega ni yalodina o ira era kau vakavesu.+
7 E qai kacivaki e Juta kei Jerusalemi taucoko mera soqoni vata mai e Jerusalemi o ira kece era a kau vakavesu,
8 ia o koya e sega ni lako mai ena loma ni tolu na siga me vaka na nodra lewa na turaga kei ira na qase, ena vesu* kece na nona iyau qai cemuri mai na nodra ivavakoso na kau vakavesu.+
9 Era mani soqoni vata e Jerusalemi na lewe kece i Juta kei Penijamini ena loma ni tolu na siga, oya ena ikaciwa ni vula ena ika20 ni siga ni vula. Era dabe kece na tamata ena rara ni vale ni Kalou dina, era sautaninini ena vuku ni tikina qo kei na uca bi.
10 E qai duri o Esera na bete, e kaya vei ira: “Oni sa tawayalodina ni oni vakawatitaki ira na yalewa vulagi,+ moni kuria kina na cakacala nei Isireli.
11 Ia qo moni vakatutusa vei Jiova na nodra Kalou na tukamuni moni vakayacora na lomana. Moni tawasei kemuni vei ira na lewe ni veivanua kei ira na watimuni vulagi qo.”+
12 Era sauma ena domolevu na lewe ni ivavakoso taucoko: “Sa neimami itavi me keimami vakayacora na ka sara ga o tukuna.
13 Ia era lewe levu na tamata qai gauna ni uca. E sega ni rawa na duri e tuba, ena sega ni qaravi rawa na ka qo ena dua se rua na siga, ni keimami talaidredre vakalevu ena ka qo.
14 Keimami kerea gona mera matataka na ivavakoso taucoko na neimami turaga.+ O ira kece era tiko ena neimami koro era vakawatitaki ira na yalewa vulagi mera lako mai ena gauna sa loku, mera lako vata mai kei ira na qase ni nodra dui koro kei na kena turaganilewa, me ruru mada vei keimami na cudru waqawaqa ni noda Kalou ena vuku ni ka qo.”
15 Ia o Jonacani na luvei Asaeli kei Jeasaia na luvei Tikiva erau saqata na ka qo, erau tokoni rau kina o rau na Livai o Mesulame kei Sapicei.+
16 Era qai vakayacora na ka sa vakadonui o ira era a kau vakavesu, e mani soqoni ga o Esera na bete kei ira na turaga ni mataqali nei tamadra, o ira kece e digitaki na yacadra, ena imatai ni siga ena ikatini ni vula mera qaqa na ka qo,
17 e qai oti ena imatai ni siga ena imatai ni vula na nodra qaqai ira tiko na tagane era vakawatitaki ira na yalewa vulagi.
18 E mani laurai ni so na luve ni bete era vakawatitaki ira na yalewa vulagi:+ o ira na luvei Jesua+ na luvei Jiosataki kei ira na tacina, o Mesea, o Eliesa, o Jaripi, kei Kitalaia.
19 Ia era yalataka* mera vakatalai ira na watidra, nira sa cala era na cabora e dua na tamanisipi mai na qelenisipi ena vuku ni nodra cakacala.+
20 O ira na luvei Ima,+ o Ananai kei Sepataia,
21 o ira na luvei Erimi,+ o Mesea, o Ilaija, o Semaia, o Jieli kei Usaia,
22 o ira na luvei Pasuri,+ o Elioenai, o Mesea, o Isimeli, o Nicaneli, o Josapati kei Iliasa.
23 O ira na Livai, o Josapati, o Semeai, o Kelaya (oya o Kilita), o Pecaia, o Juta kei Eliesa,
24 o ira na daulagasere, o Iliasipi, o ira na ivakatawa ni matamata, o Salumi, o Telemi kei Urei.
25 O ira na Isireli, o ira na luvei Parosi,+ o Rimaya, o Isia, o Malikaia, o Maijamini, o Eliesa, o Malikaia kei Penaia,
26 o ira na luvei Ilama,+ o Matanaia, o Sakaraia, o Jieli,+ o Apiti, o Jirimoce kei Ilaija,
27 o ira na luvei Satu,+ o Elioenai, o Iliasipi, o Matanaia, o Jirimoce, o Sapati kei Asisa,
28 o ira na luvei Pepai,+ o Jionanai, o Enanaia, o Sapei kei Acelai,
29 o ira na luvei Pani, o Mesulame, o Maluki, o Ataia, o Jasupi, o Siali kei Jirimoce,
30 o ira na luvei Peaci-moapi,+ o Etina, o Kilali, o Penaia, o Mesea, o Matanaia, o Pisalieli, o Punui kei Manasa,
31 o ira na luvei Erimi,+ o Eliesa, o Isaija, o Malikaia,+ o Semaia, o Semioni,
32 o Penijamini, o Maluki kei Semaraia,
33 o ira na luvei Asumi,+ o Matinai, o Matata, o Sapati, o Elifeleti, o Jiremei, o Manasa kei Semeai,
34 o ira na luvei Pani, o Meatai, o Amirami kei Ueli,
35 o Penaia, o Petaia, o Kiluai,
36 o Vaniya, o Meremoce, o Iliasipi,
37 o Matanaia, o Matinai kei Jesau,
38 o ira na luvei Punui, o Semeai,
39 o Selemaia, o Necani kei Ataia,
40 o Makanatipei, o Sasei, o Sarei,
41 o Esareli, o Selemaia, o Semaraia,
42 o Salumi, o Amaraia, o Josefa,
43 kei ira na luvei Nipo, o Jaeli, o Maticaia, o Sapati, o Sipina, o Jatai, o Joeli kei Penaia.
44 O ira kece qo era vakawatitaki ira na yalewa vulagi,+ era qai vakatalai ira na watidra kei ira na luvedra.+
iVakamacala e ra
^ Se “keimami kauta ina neimami vale.”
^ Se “ina rumunikana.”
^ Se “ena vakatabui.”
^ Ipe., “solia na ligadra.”
