Esera 8:1-36
8 Qo o ira na turaga ni mataqali i tamadra kei ira na volai na nodra kawa keimami lako cake vata mai Papiloni ena gauna ni veiliutaki i Tui Atakisekise:+
2 o ira na luvei Finiasi+ o Kerisomi, o ira na luvei Icama+ o Taniela, o ira na luvei Tevita o Atusi,
3 o ira na luvei Sekanaia era luvei Parosi, o Sakaraia, era volai vata kei koya e 150 na tagane,
4 o ira na luvei Peaci-moapi,+ o Elionai na luvei Seraia, o koya kei na 200 na tagane,
5 o ira na luvei Satu,+ o Sekanaia na luvei Jeseli, o koya kei na 300 na tagane,
6 o ira na luvei Atini,+ o Epeti na luvei Jonacani, o koya kei na 50 na tagane,
7 o ira na luvei Ilama,+ o Jeseia na luvei Acalaia, o koya kei na 70 na tagane,
8 o ira na luvei Sefataia,+ o Sepataia na luvei Maikeli, o koya kei na 80 na tagane,
9 o ira na luvei Joapi, o Opetaia na luvei Jieli, o koya kei na 218 na tagane,
10 o ira na luvei Pani, o Silomeci na luvei Jiosipaia, o koya kei na 160 na tagane,
11 o ira na luvei Pepai,+ o Sakaraia na luvei Pepai, o koya kei na 28 na tagane,
12 o ira na luvei Asikati,+ o Joenani na luvei Akatani, o koya kei na 110 na tagane,
13 o ira na luvei Etonikami+ eratou iotioti sara, qo na yacadratou: o Elifeleti, o Jaeli, kei Semaia, o ratou kei na 60 na tagane,
14 o ira na luvei Pikivai,+ o Ucei kei Saputi, o rau kei na 70 na tagane.
15 Au soqoni ira ena uciwai e drodro i Aeva,+ keimami keba e kea me tolu na siga. Ia niu vakaraici ira na tamata kei ira na bete, au sega ni raica e kea e dua na Livai.
16 Au mani talatala me lako mai o Eliesa, o Erieli, o Semaia, o Elinecani, o Jaripi, o Elinecani, o Necani, o Sakaraia, kei Mesulame eratou iliuliu, kei rau na qasenivuli o Joiaripi kei Elinecani.
17 Au qai vakaroti ratou ena ka me baleti Ito na turaga ni vanua e vakatokai o Kasifaia. Au tukuna vei ratou me ratou tukuna vei Ito kei ira na tacina era dauveiqaravi ena valenisoro* ena vanua o Kasifaia, mera kauti ira mai na dauveiqaravi ni vale ni noda Kalou.
18 Me vaka ni tiko vei keda na liga vinaka ni noda Kalou, era kauta mai e dua na turaga vuku vei ira na luvei Mali+ na makubui Livai na luvei Isireli, oya o Serepaia+ kei ira na luvena kei ira na tacina, e 18 na tagane,
19 o Esapaia, e tomani koya o Jeseia vei ira na luvei Mirari,+ o ira na tacina, kei ira na luvena, e 20 na tagane.
20 Era le 220 o ira na dauveiqaravi ena valenisoro* a lesia o Tevita kei ira na turaga mera vukei ira na Livai, e digitaki kece na yacadra.
21 Au qai tukuna me keimami lolo e kea ena uciwai na Aeva, me keimami vakamalumalumutaki keimami vua na neimami Kalou, me keimami kerea na nona veidusimaki me baleta na neimami ilakolako, me baleti keimami kei ira na neimami lalai, kei na neimami iyaya kece.
22 Au madua meu kerea vua na tui na sotia kei ira na dauvodo ose mera taqomaki keimami vei ira na meca ena neimami ilakolako, ni keimami a tukuna vua na tui: “Na liga vinaka ni neimami Kalou e tiko vata kei ira na vakasaqarai koya,+ ia ena vakaraitaka na nona kaukaua kei na nona cudru vei ira kece na biuti koya.”+
23 Keimami lolo sara, keimami masuta na neimami Kalou ena vuku ni ka qo, mani rogoca o koya na neimami vakamamasu.+
24 Ia qo au wasea e 12 na nodra iliuliu na bete, oya o Serepaia kei Esapaia,+ kei na tini na tacidrau.
25 Au qai vakarautaka vei ira na siliva, na koula kei na iyaya e cautaka mai na tui, o ratou na nona daunivakasala, o ira na turaga kei ira kece na Isireli era tiko e kea me baleta na vale ni neimami Kalou.+
26 Au vakarautaka gona vei ira e 650 na taledi* siliva, e 100 na iyaya siliva e 2 na taledi na kena bi, e 100 na taledi koula,
27 e 20 na boulu koula lalai e 1,000 na deriki* na kena isau kei na 2 na iyaya kopa vinaka, e damudamu taliva, erau talei sara me vaka na koula.
28 Au qai tukuna vei ira: “Oni savasava vei Jiova,+ e savasava tale ga na iyaya, na siliva kei na koula na isolisoli e cabori vei Jiova na nodra Kalou na tukamuni.
29 Moni yadrava tiko me yacova ni oni vakarautaka e matadra na iliuliu ni bete, vei ira na Livai kei ira na turaga ni mataqali i tamadra na Isireli e Jerusalemi,+ ena rumu* ni vale i Jiova.”
30 Era taura na bete kei ira na Livai na siliva, na koula kei na iyaya e vakarautaki vei ira mera kauta i Jerusalemi ina vale ni neimami Kalou.
31 Keimami qai biuta mai na uciwai na Aeva+ ena ika12 ni siga ena imatai ni vula+ me keimami lako i Jerusalemi, a tiko vata kei keimami na liga ni neimami Kalou, mani vakabulai keimami mai na ligadra na meca kei ira na toka vuni ena sala.
32 Keimami yaco i Jerusalemi,+ keimami tiko kina me tolu na siga.
33 Ena ikava ni siga keimami vakarautaka na siliva, na koula kei na iyaya ena vale ni neimami Kalou+ me soli vei Meremoce+ na luvei Uraija na bete, e tiko vata kei koya o Eliesa na luvei Finiasi, e tiko vata kei rau o rau na Livai o Josapati+ na luvei Jesua kei Noataia na luvei Punui.+
34 E wili qai vakarautaki na ka kece, e volai kece na kena bibi.
35 Era cabora na isoro kama vua na Kalou ni Isireli o ira na sereki mai na veivakabobulataki, o ira a kau vakavesu, e 12 na bulumakau tagane+ me baleti ira kece na Isireli, e 96 na tamanisipi,+ e 77 na lami tagane kei na 12 na me tagane+ me isoro ni ivalavala ca, qo kece na isoro kama vei Jiova.+
36 Keimami qai solia na lawa ni tui+ vei ira na vakailesilesi liu* ni tui kei ira na kovana ena yasayasa ni Tai ni Uciwai,*+ era mani tokoni ira na lewenivanua kei na vale ni Kalou dina.+
iVakamacala e ra
^ Se “na Necinimi.” Ipe., “o ira na soli.”
^ Se “na Necinimi.” Ipe., “o ira na soli.”
^ Se “rumunikana.”
^ Na ibalebale ni icavuti qo “o ira na taqomaka na matanitu,” eke e dusi ira na kovana ni yasana ena matanitu o Perisia.
^ Se “Tai ni Uferetisi.”
