Vei Ira na Iperiu 1:1-14
1 Levu na gauna, levu tale ga na sala e dau vosa kina na Kalou vei ira na tukada ena veigauna sa oti, era dau matataki koya kina na parofita,+
2 ia ena iotioti ni veisiga qo, e vosa vei keda ena vuku i Luvena,+ o koya e sa lesia me taukena na ka kece,+ ena vukuna tale ga e buli kina na ka kece mai lomalagi kei vuravura.*+
3 Na Luvena qo e vakaraitaka vinaka sara ga na lagilagi ni Kalou,+ e ucui koya vinaka,+ e vakabulai ira tale ga na ka kece ena mana ni vosa ni Kalou. Ni sa vakasavasavataki keda oti mai na ivalavala ca,+ sa qai dabe sobu ena ligaimatau i koya e Lagilagi mai lomalagi.+
4 O koya gona, e sa uasivi ira na agilosi,+ e taukena kina e dua na yaca e vinaka sara mai na yacadra.+
5 Me kena ivakaraitaki, na agilosi cava tale e bau kaya vua na Kalou: “O iko na luvequ, nikua au sa na wili meu tamamu”?+ E kaya tale: “Au na tamana, ena luvequ tale ga o koya”?+
6 Ia ni tala tale mai vuravura na nona Ulumatua,+ e kaya: “Mera vakarokoroko* vua na agilosi kece ni Kalou.”
7 E kaya tale ga me baleti ira na agilosi: “E vakavuna mera kabula kaukaua na nona agilosi, kei ira na nona dauveiqaravi+ mera yameyame ni buka.”+
8 Ia me baleta na Luvena: “E nomu idabedabe vakaturaga na Kalou+ me tawamudu, na ititoko tale ga ni nomu Matanitu e ititoko ni yalododonu.*
9 O vinakata na ivalavala dodonu, o cata ni beci na lawa. Oya na vuna e uasivi kina na nona lumuti iko+ na nomu Kalou ena waiwai ni marau ni vakatauvatani kei ira na nomu itokani.”+
10 Kena ikuri: “Ena ivakatekivu, kemuni Turaga, oni a biuta na yavu kei vuravura, na lomalagi tale ga e cakacaka ni ligamuni.
11 Era na rusa, ia oni na tu ga, era na madra kece me vaka ga na isulu,
12 oni na ologi ira me vaka na iovi, me vaka na isulu, era na veisautaki tale ga. Ia oni na dua tu ga, ena sega ni oti na nomuni veiyabaki.”+
13 E sa bau cavuta na vosa qo vua e dua vei ira na agilosi: “Dabe ena ligaqu imatau meu vakamalumalumutaki ira mada na kemu meca mera itutu ni yavamu”?+
14 Vakacava, era sega ni yalo dauveiqaravi o ira kece qo,+ era talai yani mera qaravi ira era na rawata na icovi ni bula?
iVakamacala e ra
^ Se “na ituvatuva ni veika.” Raica “Veika ni Vuravura” ena iVakamacala ni Vosa.
^ Se “cuva.”
^ Se “lewadodonu.”
