Isikeli 30:1-26
30 E vosa tale vei au o Jiova, e kaya:
2 “O iko na luve ni tamata mo parofisai, mo kaya, ‘Qo na ka e kaya na Turaga Cecere Duadua o Jiova:
“Moni osivaka, ‘Oilei, sa voleka mai na siga!’
3 Sa voleka mai na siga, io, na siga i Jiova sa voleka.+
Ena siga ni o,+ e nodra gauna lokuci na veimatanitu.+
4 Ena tau vei Ijipita e dua na iseleiwau, era na taqaya na kai Iciopea nira bale na vakamatei mai Ijipita,E kau na kena iyau, e basu na kena yavu.+
5 O Iciopea,+ o Pate,+ o Luti, kei ira kece na lewenivanua duikaikai,*O Kupi, kei ira na gone ni vanua ni veiyalayalati,*Era na bale kece ena iseleiwau.”’
6 Qo na ka e kaya o Jiova:
‘Era na bale tale ga o ira na tokoni Ijipita,Ena vakamalumalumutaki na nona kaukaua e viavialevu kina.’+
“‘Me tekivu mai Mikitoli+ me yaco i Saini+ era na bale ena iseleiwau ena vanua,’ e kaya na Turaga Cecere Duadua o Jiova.
7 ‘Ena vakalalai sara na kena veivanua, ena vaqeavutaki sara na kena veikoro.+
8 Era na qai kila ni o yau o Jiova niu waqaca na buka e Ijipita, era vurumemea kece na nona ito.
9 Ena siga oya au na talai ira na italai mera vodo waqa mera vakarerei Iciopea, e dau nuitaki koya ga. Era na taqaya ena siga sa voleka mai vei Ijipita, ni na yaco dina mai.’
10 “Qo na ka e kaya na Turaga Cecere Duadua o Jiova: ‘Au na vakaotia na ilala levu e Ijipita ena liga i Tui Nepukanesa* e Papiloni.+
11 Ena kau mai o koya kei ira na nona sotia, era voravora sara vei ira na veimatanitu,+ mera vakarusa na vanua. Era na ucuna na nodra iseleiwau mera valuti Ijipita, era na vakasinaita na vanua ena tamata mate.+
12 Au na vukica na ikelimusu ena Naile+ me qele mamaca, au na volitaka na vanua vei ira na tamata ca. Au na vakarusa na vanua kei na ka kece e tu kina e ligadra na vulagi.+ O yau o Jiova au tukuna.’
13 “Qo na ka e kaya na Turaga Cecere Duadua o Jiova: ‘Au na vakarusa tale ga na matakau vakasisila,* au na vakaotia na kalou tawayaga ni Nofi.*+ Ena sega ni dua tale na turaga ena vanua o Ijipita, au na vakarerea na vanua o Ijipita.+
14 Au na vakalalai Pacirosi,+ au na vakamai Soani, au na totogitaki No.*+
15 Au na cudruvi Sini vakalevu na ivunivuni nei Ijipita, au na vakamatei ira na lewe i No.
16 Au na vakamai Ijipita; ena domobula o Sini, ena botei o No, ena valuti o Nofi* ena sigalevu tutu!
17 Era na bale ena iseleiwau na cauravou ni Oni* kei Pipiseci, era na kau vakavesu na lewenikoro.
18 Ena buto na siga e Tapeneasi niu musuka e kea na ivua nei Ijipita.+ Ena oti na nona kaukaua e viavialevu kina,+ ena solegi koya na o, era na kau vakavesu na lewe ni nona tauni.+
19 Au na totogitaki Ijipita, era na qai kila ni o yau o Jiova.’”
20 Ena ika11 ni yabaki, ena imatai ni vula, ena ikavitu ni siga ni vula, e vosa vei au o Jiova, e kaya:
21 “O iko na luve ni tamata, au sa musuka na liga i Fero na tui Ijipita, ena sega ni olo me mavo kina, se vadreti me kaukaua me taura na iseleiwau.”
22 “O koya gona, qo na ka e kaya na Turaga Cecere Duadua o Jiova: ‘Au na vorati Fero na tui Ijipita,+ au na musuka ruarua na ligana, na ligana kaukaua kei na ligana ramusu,+ au na vakalutuma mai ligana na iseleiwau.+
23 Au na qai vakasavi ira na kai Ijipita ina veimatanitu, au na cemuri ira ina veivanua.+
24 Au na vakaukauataka na liga* i tui Papiloni,+ au na solia e ligana na noqu iseleiwau,+ au na musuka ruarua na liga i Fero, ena vutugu vakalevu me vaka e dua sa voleka ni mate e matana.*
25 Au na vakaukauataka na liga i tui Papiloni, ia ena malumalumu na liga i Fero. Era na qai kila ni o yau o Jiova niu solia e liga i tui Papiloni na noqu iseleiwau me ravuta na vanua o Ijipita.+
26 Au na vakasavi ira na kai Ijipita ina veimatanitu, au na cemuri ira ina veivanua,+ era na qai kila ni o yau o Jiova.’”
iVakamacala e ra
^ Se “mai na veimatanitu.”
^ Rairai dusi ira na Isireli era tovata kei Ijipita.
^ Ipe., “Nepukatiresa,” e dua tale na kena ivolavolai.
^ Se “Memifise.”
^ Kena vosa vakaIperiu e rairai veiwekani kei na dua na vosa ni “denimanumanu,” e vosa ni veibeci.
^ Oya o Cepi.
^ Se “Memifise.”
^ Oya o Eliopolosi.
^ Se “vakalevutaka na kaukaua nei.”
^ Oya e mata i tui Papiloni.
