Isikeli 42:1-20
42 E kauti au sara o koya ina raranivale e tuba donuya na vualiku.+ E kauti au o koya ina vale e tu kina na rumunikana volekata na vanua lala,+ oya ena vualiku ni vale e toka voleka.+
2 Na kena balavu e 100 na kiupiti* ena vanua e tiko kina na katuba ena vualiku, na kena raba e 50 na kiupiti.
3 E tiko na vale qori ena maliwa ni raranivale e loma, e 20 na kiupiti na kena raba,+ kei na raravatu ena raranivale e tuba. E veiqaravi na kena varada, e tabatolu.
4 E tiko e dua na gaunisala+ ena maliwa ni iyatu rumunikana,* e 10 na kiupiti na kena raba, e 100 na kiupiti na kena balavu,* e donuya na vualiku na kedra katuba.
5 E rabalailai na rumunikana e cake ni vakatauvatani kei na rumunikana ena tabavale e ra kei na tabavale e loma, ni rabalevu na kena varada.
6 Ni tabatolu, e sega na kedra duru me vaka na duru ni raranivale. Oya na vuna e lailai kina na tabavale e cake ni vakatauvatani kei na tabavale e ra kei na tabavale e loma.
7 E 50 na kiupiti na balavu ni baivatu e tuba volekata na rumunikana donuya na raranivale e tuba, e qara ina vo ni rumunikana.
8 Na balavu ni rumunikana donuya na raranivale e tuba e 50 na kiupiti, ia na rumunikana donuya na loqi tabu sara e 100 na kiupiti.
9 E toka ena tokalau na katuba ni rumunikana, ni muri yani na raranivale e tuba.
10 E tiko tale ga eso na rumunikana ena loma ni baivatu ena raranivale donuya na tokalau, e volekata na vanua lala kei na vale.+
11 E toka ena mata ni rumunikana qo e dua na sala me vaka ga na kena ena rumunikana ena vualiku.+ E tautauvata na kedra balavu kei na kedra raba, e tautauvata na kedra katuba kei na kedra itaratara. Na kedra katuba
12 e vaka na katuba ni rumunikana e donuya na ceva. E vakamatamata na mua ni sala ni bera na baivatu donuya na tokalau, na vanua e muri yani.+
13 E qai kaya vei au o koya: “Na rumunikana ena vualiku kei na rumunikana ena ceva volekata na vanua lala+ e rumunikana tabu, na vanua era kania kina na isoro tabu na bete era torovi Jiova.+ Era biuta e kea na isoro tabu, na isoro kakana, na isoro ni ivalavala ca kei na isoro ni cakacala, ni vanua tabu qori.+
14 Nira curu kina na bete, mera kua ni biuta na loqi tabu mera lako ina raranivale e tuba. Era na luvata na nodra isulu ni veiqaravi,+ ni ka tabu na isulu qori. Era na dara eso tale na isulu mera curuma na vanua e vakatarai vei ira na lewenivanua.”
15 Ni vakarautaka oti o koya na loqi tabu,* keirau curu sara ena matamata donuya na tokalau+ me vakarautaka na vanua kece qori.
16 E vakarautaka o koya na yasana e donuya na tokalau ena gasau ivakarau.* E laurai ena gasau ivakarau ni 500 na gasau na kena balavu mai na dua na yasana ina dua tale na yasana.
17 E vakarautaka o koya na yasana e donuya na vualiku, e laurai ena gasau ivakarau ni 500 na gasau na kena balavu.
18 E vakarautaka o koya na yasana e donuya na ceva, e laurai ena gasau ivakarau ni 500 na gasau na kena balavu.
19 E lako wavoki o koya ina yasana e donuya na ra. E vakarautaka e 500 na balavu ni gasau ena gasau ivakarau.
20 E vakarautaka o koya na yasana vava. E vakabai wavoki,+ e 500 na gasau na kena balavu, e 500 na gasau na kena raba,+ me wasea na ka tabu kei na ka e sega ni tabu.+
iVakamacala e ra
^ Se “na rumu.”
^ Ena ivakadewa vaKirisi ni iVolatabu vakaIperiu na Septuagint, “e 100 na kiupiti na kena balavu.” E kaya na ivola vakaIperiu: “E dua na sala e dua na kiupiti.” Raica na iKuri B14.
^ Ipe., “vale e loma.”