Jeremaia 49:1-39
49 Qo na ka e kaya o Jiova vei ira na Amoni:+
“E sega na luvena tagane o Isireli?
Se dua na kena isosomi?
Na cava e taukeni Kata+ kina o Malikami?+
Na cava era lai tiko kina na nona tamata ena koro e Isireli?”
2 “‘Ia raica! Sa voleka mai na gauna,’ e kaya o Jiova,‘Au na vakarogoya na ivakatakilakila ni ivalu* e Rapa+ na nodra na Amoni.+
Ena vuki me dua na delana lala,Ena vakamai na kena tauni lalai.’*
‘Ena qai taukeni ira na taukeni koya o Isireli,’+ e kaya o Jiova.
3 ‘Mo qoqolou Esiponi ni sa vakarusai o Ai!
Moni tagi na tauni lalai e Rapa.
Moni vakaisulutaga.
Moni qolou, moni lako wavokita na baivatu,*Ni na kau vakavesu o Malikami,Kei ira na nona bete kei ira na nona turaga.+
4 Na cava o dokadokataka kina na buca,Na nomu vanua bucabuca e drodro vakayauyau, o iko na goneyalewa tawayalodina,O nuitaka na nomu iyauO kaya: “O cei ena mai valuti au?”’”
5 “‘Au na kauta yani vei iko na ka vakadomobula,’ e kaya na Turaga Cecere Duadua o Jiova ni lewe vuqa,*‘Mai vei ira kece na wavokiti iko.
Oni na veiseyaki ena veiyasana,Ena sega ni dua ena soqoni ira mai na dro.’”
6 “‘Ia oti qori au na soqoni ira mai na Amoni era kau vakavesu,’ e kaya o Jiova.”
7 Ena vuku i Itomi, qo na ka e kaya o Jiova ni lewe vuqa:
“Sa oti na vuku e Temani?+
Sa oti na nodra ivakasala vinaka na yalomatua?
Sa madra na nodra vuku?
8 Moni dro, moni lesu!
Moni lai tiko sobu ena tikina titobu, o kemuni na lewe i Titana!+
Au na vakayacora vei Iso na ka rarawaEna gauna au na totogitaki koya kina.
9 Ke ra lako yani vei iko na dauveti vuanivaini,Era na vakavoca eso me veti?
Ke ra lako yani na daubutako ena bogi,Era na vakacaca ena kena levu era vinakata.+
10 Ia au na vakaluvawaletaki Iso.
Au na vakaraitaka na nona ivunivuni,Me kua ni vuni rawa o koya.
Ena vakarusai kece na luvena, na tacina, kei ira na tiko volekati koya,+Ena yali vakadua o koya.+
11 Mo biuti ira tu na gone sega na tamadra,Au na vakabulai ira,Era na nuitaki au na nomu yada.”
12 Qo na ka e kaya o Jiova: “Raica! Ke ra gunuva na bilo o ira na sega ni lewai mera gunuva, o nanuma ni o na sega ni totogitaki? O na totogitaki sara ga, ni o na gunuva dina.”+
13 “Au bubului ga vakataki au,” e kaya o Jiova, “ni na domobulataki o Posira,+ ena beci, ena vaqeavutaki, ena cudruvi, ena vakarusai vakadua na kena koro kece.”+
14 Au rogoca e dua na itukutuku e tukuna o Jiova,Sa talai e dua na mata ina veimatanitu, e kaya:
“Moni soqoni vata moni kabai koya,Moni vakarau vala.”+
15 “Raica! Au sa vakalailaitaki iko vei ira na veimatanitu,Era beci iko na tamata.+
16 E vakacalai iko na nomu veivakarerei,Na viavialevu ni lomamu,O iko o tiko ena qaravatu,O tiko ena delana cecere duadua.
O vakasova ena vanua cecere me vaka na ikeli,Ia au na kauti iko sobu mai kea,” e kaya o Jiova.
17 “Ena domobulataki o Itomi.+ Era na wadra kece ena domobula o ira na lakosiviti koya, era na vakalukalu ena vuku ni kena rarawa kece.
18 Me vaka na kena vakarusai o Sotoma kei Komora kei na kena tauni voleka,”+ e kaya o Jiova, “ena sega ni tiko kina e dua, ena sega tale ga ni dua na tamata me tiko kina.+
19 “Raica! Ena lako cake mai e dua ina vanua veico taqomaki me vaka na laione+ mai na veikauloa ena bati ni Joritani, ia ena sega ni dede au na cemuri koya mai kea. Au na lesi koya e digitaki me lewai koya. O cei e vakataki au, o cei ena bolei au? O cei na ivakatawa ena tu rawa e mataqu?+
20 Ia moni rogoca na ka e vakatulewataka o Jiova me baleti Itomi kei na ka e nanuma me baleti ira na lewe i Temani:+
Era na yarataki dina na lalai sara ena qelenisipi.
Ena vakalala o koya na nodra itikotiko ena vukudra.+
21 Ena rorogo ni nodra bale, e sakure kina o vuravura.
E rogo na tagi!
E rogo yani na tagi ina Wasa Damudamu.+
22 Raica! Ena vuka cake o koya me vaka na ikeli qai co sobu,+Ena tevuka na tabana me toqovi Posira.+
Ena siga oya, na yalodra na tamata qaqa ni ItomiEna vaka na yalo ni yalewa taratara.”
23 Me baleti Tamasiko:+
“E vakamaduataki o Emaci+ kei Apati,Ni rau rogoca e dua na itukutuku ca.
Era waicala ena rere.
E domobula na wasawasa, e sega ni cegu rawa.
24 E yalolailai o Tamasiko.
E vuki me dro, ia e taqaya.
E rarawa, e yaluma,Me vaka na yalewa e vakarau vakasucu.
25 Na cava e sega ni vakanadakui kina na koro lagilagi,Na tauni mamarau?
26 Nira na bale na nona cauravou ena nona rara,Era na vakamatei na nona sotia ena siga oya,” e kaya o Jiova ni lewe vuqa.
27 “Au na vakama na bai kei Tamasiko,Ena yameca na valececere vakabai nei Penietati.”+
28 Qo na ka e kaya o Jiova me baleti Kitari+ kei na veimatanitu e Asori a valuta o Tui Nepukanesa* e Papiloni:
“Moni vakarau, moni lako cake i Kitari,Moni vakarusai ira na lewenivanua mai na Tokalau.
29 Ena kau na nodra valelaca kei na nodra sipi,Na nodra ilatilati kei na nodra iyaya kece.
Ena kovei na nodra kameli,Era na kacivaka vei ira, ‘Sa voliti keimami na rere!’”
30 “Moni dro, moni lako vakayawa!
Moni lai tiko sobu ena tikina titobu, o kemuni na lewe i Asori,” e kaya o Jiova.
“Ni bukia na kemuni vere o Tui Nepukanesa* e Papiloni,E nanuma tale ga me nakicataki kemuni.”
31 “Moni vakarau, moni valuta na matanitu e bula vakacegu,E tikovinaka!” e kaya o Jiova.
“E sega na kena katuba se ivakadei, era tiko ga vakataki ira.
32 Ena kovei na nodra kameli,Ena kau e levu na nodra manumanu.
Au na vakasavi ira ina matanicagi kece,*O ira e tasi na nodra kanavalavala,+Au na kauta yani vei ira na ka rarawa mai na veiyasana kece,” e kaya o Jiova.
33 “Ia o Asori ena vaqara kina na jakoli,*Ena vakalalai vakadua.
Ena sega ni dua me tiko kina,Ena sega ni tiko kina e dua na tamata.”
34 Qo na vosa i Jiova vei Jeremaia na parofita me baleti Ilama+ ni tekivu lewa o Tui Setekaia+ e Juta:
35 “Qo na ka e kaya o Jiova ni lewe vuqa, ‘Au na musuka na dakaititi nei Ilama,+ na vu* ni nodra kaukaua.
36 Au na vakaliwava e Ilama na va na cagi mai na va na iyalayala ni lomalagi, au na vakasavi ira ina matanicagi kece qo. Era na lako kece ina veimatanitu na Ilama era vakasavi.’”
37 “Au na vakayalolailaitaki ira na Ilama e matadra na kedra meca kei na matadra na via vakamatei ira tiko,* au na kauta yani vei ira na ca, na noqu cudru waqawaqa,” e kaya o Jiova. “Au na tala yani na iseleiwau me muri ira meu vakarusai ira kece.”
38 “Au na vakadabera na noqu idabedabe vakaturaga e Ilama,+ au na vakarusa mai kea na tui kei ira na turaga,” e kaya o Jiova.
39 “Ia ena veisiga mai muri au na soqoni ira mai na Ilama era kau vakabobula,” e kaya o Jiova.
iVakamacala e ra
^ Se rawa ni, “na kaila ni ivalu.”
^ Se “wavokita.”
^ Se “bainisipi.”
^ Qo na mataivalu vakalomalagi.
^ Ipe., “Nepukatiresa,” e dua tale na kena ivolavolai.
^ Ipe., “Nepukatiresa,” e dua tale na kena ivolavolai.
^ Se “na yasana kece.”
^ Dua na mataqali koli kila, e ucu momoto, vutivutia na buina, e vaka na irairai ni fokisi.
^ Ipe., “itekitekivu.”
^ Se “via vaqarai ira tiko.”
