Jona 2:1-10
2 E qai masu o Jona vei Jiova na nona Kalou ena kete ni ika,+
2 e kaya:
“Au masuti Jiova ena vuku ni noqu rarawa, e rogoci au.+
Ena loma* ni iBulubulu* au tagi meu kere veivuke.+
Oni rogoca na domoqu.
3 Oni kolotaki au ina wasa titobu, ina loma ni wasaliwa,E qai voliti au na kui.+
Na nomuni ua lelevu kece kei na biau e luvuci au.+
4 Au mani kaya, ‘Au sa cemuri mai matamuni!
Meu na raica tale vakacava na nomuni valenisoro tabu?’
5 E luvuci au na wai au voleka sara ni mate,+E viribaiti au na wasa titobu.
E viviraka na uluqu na lumi.
6 Au dromu sobu ina botonisauloa.*
E lati au vakadua na isogo ni vuravura.
Ia oni kauti au cake mai na qara, kemuni Jiova na noqu Kalou.+
7 Niu sa malumalumu sara, au nanumi Jiova ga.+
E qai rogo yani vei kemuni na noqu masu, ena nomuni valenisoro tabu.+
8 O ira na qarava na matakau tawayaga era biuta na vu ni nodra loloma dei.*
9 Ia o yau, au na vakacaboisoro vei kemuni ena domo ni vakavinavinaka.
Au na vakayacora na ka au bubuluitaka.+
E dau veivakabulai o Jiova.”+
10 E qai vakarota na ika o Jiova, mani luaraki Jona ena vanua mamaca.
iVakamacala e ra
^ Ipe., “kete.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “ruku ni veiulunivanua.”
^ Se rawa ni, “nodra yalodina.”
