Jope 11:1-20
11 E qai kaya o Sofa+ na kai Neama:
2 “Vakacava ena sega ni saumi na vosa kece qo,Se na dodonu* e dua ena levu ni vosa e cakava?
3 Ena vagalui ira na tamata na nomu vosa tawayaga?
Ena sega ni dua e vunauci iko ena nomu vosa ni veivakalialiai?+
4 Ni o kaya, ‘E dodonu na noqu ivakavuvuli,+Au savasava tale ga e matamuni.’+
5 Ia ke vosa ga mai na KalouQai dolava vei iko na tebenigusuna!+
6 Ena vakaraitaka sara ga vei iko na vuku e vuni tu,Ni vuku dina e levu sara na basogana.
O na qai kila ni vakatara na Kalou me guilecavi eso na nomu cala.
7 Vakacava o na rawa ni kila na veika titobu ni KalouSe kila na ka kece* me baleti koya e Kaukaua Duadua?
8 E cecere cake vei lomalagi. Na cava o na rawata?
E titobu sara mai na iBulubulu.* Na cava o na kila rawa?
9 E balavu sara vei vuravuraQai raba sara mai na wasawasa.
10 Ke tavali o koya, e vesuka tale ga e dua qai kaciva na mataveilewai,O cei ena tarovi koya rawa?
11 Ni kila o koya na gauna era dau lawaki kina na tamata.
Ni raica na ka ca, ena sega ni kauai?
12 Ena qai kila ga na tamata ululalaEna gauna ga e rawa ni vakasucuma kina e dua na asa kila na tamata.*
13 Ke o vakarautaka ga na lomamuQai dodoka yani vei koya na ligamu.
14 Ke caka ca tiko na ligamu, biuta vakayawa,Me kua ni tiko ena nomu valelaca na ivalavala e sega ni dodonu.
15 O na rai cake ni sega ni leqa na matamu,O na tudei, o na sega ni rere.
16 O na guilecava na nomu leqa,O na nanuma ni vaka na wai sa drodro tani yani.
17 Na nomu bula ena rarama cake mai na sigalevu tutu,Na kena butobuto mada ga ena vaka na mataka.
18 O na lomadei ni sa tu na inuinui,O na veiraiyaki qai davo ena vakacegu.
19 O na davo, ena sega ni dua me vakarerei iko,Era na qara e levu na nomu veivakadonui.
20 Ia ena buawa na matadra na daucaka ca,Era na sega ni kunea na vanua mera dro kina,Na nodra inuinui ga o mate.”+
iVakamacala e ra
^ Se “dodonu o koya e dau tukutukuni koya?”
^ Se “na iyalayala ni.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “gauna e sucu kina na tamata me asa kila.”
