Jope 12:1-25
12 E qai kaya o Jope:
2 “O kemudou sara ga dou kila,*Ena kawaboko kei kemudou na vuku!
3 Ia o yau tale ga au yalomatua.*
Au sega ni lolovira vei kemudou.
O cei se sega ni bau kila na veika qori?
4 Era dredrevaki au voli na noqu itokani,+O koya e dau kaciva na Kalou me bau rogoci.+
E dredrevaki o koya e yalododonu qai tawacala.
5 O koya e wele e vakawaletaka na leqa,E nanuma ni qo e baleti ira ga e ninini* na yavadra.
6 E sautu na nodra valelaca na dauvakacaca,+Qai taqomaki vinaka o ira na vakacudruya na Kalou,+O ira na taura tiko e ligadra na nodra kalou.
7 Ia yalovinaka, tarogi ira na manumanu, era na vakavulici kemudou,Kei ira na manumanuvuka ni lomalagi, era na tukuna tale ga vei kemudou.
8 Se vakasamataka* mada na vuravura, ena qai vakavulici kemudou,Ena tukuna tale ga vei kemudou na ika ni waitui.
9 O cei vei ira qori e sega ni kilaNi qo na ka e cakava na liga i Jiova?
10 Ni tu ga e ligana na bula ni kabula kece gaKei na yalo* ni tamata kece ga.*+
11 Vakacava e sega ni vakatovolea na vosa na daligaMe vaka ni tovolea na kakana+ na yame?*
12 Vakaevei e sega ni laurai na vuku vei ira na itabaqase,+Kei na yalomatua vei ira na bula dede?
13 Sa tu vua na vuku kei na kaukaua,+E tu vua na ivakasala kei na yalomatua.+
14 Ni vakarusa o koya e dua na ka, ena sega ni tara rawa tale,+Na ka e sogota, ena sega ni dua e dolava rawa.
15 Ni tarova na wai, e mamaca na ka kece,+Ni tala yani, e luvuca na vuravura.+
16 E tu vua na kaukaua kei na vuku,+E taukeni koya e lako sese kei koya e veivakacalai,
17 E vakavuna mera kua ni vakaivava* na daunivakasala,Qai vakalialiai ira na turaganilewa.+
18 E sereka na kedra ivesu na tui,+Qai vesuka e tolodra na beleti.
19 E vakavuna mera taubale na bete nira sega ni vakaivava,+Qai vakabalei ira e dei tu nodra veiliutaki,+
20 E tarova na nodra vosa na daunivakasala nuitakiQai kauta laivi na nodra yalomatua na qase,
21 E vosabeci ira na turaga+ o koya,Qai vakamalumalumutaki* ira na tamata qaqa,
22 E vakatakila na veika titobu mai na butobuto,+Qai vakacila na rarama ina butobuto loaloa,
23 E vakaukauataka na veimatanitu, me vakarusai ira,E vakatetea nodra iyalayala na veimatanitu, me vakasavi ira.
24 E kauta tani nodra yalomatua* na iliuliuQai vakavuna mera veilakoyaki voli ena vanualala, e sega na kena gaunisala.+
25 Era vakayayamo voli ena butobuto,+ ni sega kina na rarama,E vakavuna mera veilakoyaki voli me vaka na mateni.+
iVakamacala e ra
^ Ipe., “o kemudou na tamata.”
^ Ipe., “uto.”
^ Se “tidara.”
^ Se rawa ni, “vosa.”
^ Se “icegu.”
^ Ipe., “na lewe kece ni tamata.”
^ Ipe., “gadro.”
^ Se “kauta tani na ka kece.”
^ Ipe., “sereka nodra beleti na kaukaua.”
^ Ipe., “uto.”
