Jope 15:1-35
15 E qai kaya o Elifasi+ na kai Temani:
2 “Vakacava ena sauma na tamata vuku ena ile tawayaga,Se na vakasinaita na ketena na cagi tokalau?
3 Na veivunauci ena vosa wale ga e tawayaga,Qai maumau na veivosaki e caka wale.
4 O vakavuna me sega ni dokai na Kalou,O vakavuna tale ga nona sega ni kauaitaki na Kalou.
5 Ni lewa tu na ka o tukuna na nomu cala,O qai digia na vosa veidabui.
6 Na gusumu ga e vakacalai iko, sega ni o yau,E beitaki iko ga na tebenigusumu.+
7 E cava, o iko na imatai ni tamata me sucu,Se o sucu ni se bera na veidelana?
8 O dau rogoca na vosa vuni ni Kalou,Se o iko duadua ga o vuku?
9 Na cava o kila, keitou sega ni kila?+
Na cava e macala vei iko, e sega vei keitou?
10 E maliwai keitou na ulusikoa kei na kenaturaga,+Era qase sara vei tamamu.
11 Sega ni rauti iko nona veivakacegui na Kalou,Se na vosa e tukuni vakamalua vei iko?
12 Na cava sa vagolei iko tani kina na lomamu,Na cava e waqa kina na matamu ena cudru?
13 Ni o vagolea na yalomu me saqata na Kalou,O qai laiva me tauca na gusumu na vosa va qori.
14 Na cava na tamata me savasava kina,Se dua e sucu mai vua na yalewa me yalododonu kina?+
15 Raica! E sega ni vakabauti ira na nona yalosavasava,E sega tale ga ni savasava e matana na lomalagi.+
16 Sa qai wacava o koya e vakasevaki qai daulawaki,+O koya e daugunuva na ca me vaka na wai!
17 Au na tukuna vei iko, rogoci au mai!
Au na tukuna na ka au sa raica,
18 Na ka era talanoataka na tamata vuku mai vei tamadra,+Na veika era sega ni vunia.
19 O ira ga qo e soli vei ira na vanua,E sega tale ga ni tavali ena kedra maliwa e dua na vulagi.
20 E rarawa na daucaka ca ena nona siga kece ga,Ena veiyabaki kece vua na tamata voravora.
21 E rogoca na veika vakadomobula e daligana,+Ni sa sautu, era ravuti koya na daubutako.
22 E sega ni vakabauta ni na dro mai na butobuto,+E waraki koya tu na iseleiwau.
23 E veilakoyaki voli ni vaqara kakana*—i vei?
E kila vinaka ni sa voleka na siga ni butobuto.
24 E vakarerei koya tiko ga na rarawa kei na yaluma,E vakamalumalumutaki koya me vaka na tui sa vakarau ravuravu.
25 Ni dodoka na ligana me saqata na KalouQai saga me bolei koya e Kaukaua Duadua,
26 E cicivi koya yani ena domoqa,Kei na nona isasabai vavaku qai kaukaua,*
27 E robota na matana na uro,Qai vuvuce mai na dibina ena uro,
28 E tiko voli ena koro era na vakarusai,Ena vale era na sega ni tawani,Ni na yaco me ibinibini vatu.
29 Ena sega ni vutuniyau mai, ena sega tale ga ni binia na nona iyau,Se me robota na vanua na nona iyau.
30 Ena sega ni dro tani mai na butobuto,Ena raqosa na tabana lailai ena yameyame ni buka,Ena yali o koya ena kaukaua ni icegu ni gusu ni Kalou.+
31 Me kua ni lako sese qai vakararavi ena ka e sega ni yaga,Ni na sega ni yaga na ka e rawata kina,
32 Ena yaco ni se bera nona siga,Ena sega vakadua tale ni bulabula na tabana.+
33 Ena vaka na vunivaini e qeqera na vuana vou,Ena vaka na vuniolive e mimira na sena.
34 Ni matemate na nodra isoqosoqo na sega ni vakabauta na Kalou,*+Ena qai kania na valelaca ni veivaqumi na bukawaqa.
35 Era kunekunetaka na leqa qai vakasucuma na ca,E kunekunetaka tale ga na nodra katonigone na veivakaisini.”
