Jope 16:1-22
16 E qai sauma o Jope:
2 “Au sa rogoca oti e levu na ka va qo.
O kemudou kece na dauveivakacegui vakatuburarawa!+
3 Ena oti ninaica na vosa wale?
Na cava dou vosa kina va qo?
4 Au rawa ni vosa tale ga vakataki kemudou.
Ke dou tu ena kequ ituvaki,Au rawa ni tukuna vei kemudou na vosa vukuQai kurea na uluqu vei kemudou.+
5 Au na vakaukauataki kemudou ena vosa ni gusuqu,Kei na veivakacegui ni tebenigusuqu ena seavu kina na rarawa.+
6 Keu vosa, ena sega ni cegu noqu mosi,+Keu mani galu, ena vakalailaitaki vakacava na noqu mosi?
7 Ia qo sa vakaocai au o koya,+E vakalolomataka na noqu vuvale taucoko.
8 Oni vesuki au tale ga, sa yaco qori me ivakadinadina,Me laurai levu noqu suivotu, me ivakadinadina e mataqu.
9 E basuraki au na nona cudru, e sevaki au dina.+
E vaqurubati vei au.
Sa mata waqawaqa vei au na kequ meca.+
10 Era dalaga vei au,+Era sabaka tale ga na baluqu ena veibeci,Era soqoni vakalelevu mera saqati au.+
11 Sa soli au na Kalou vei ira na gonetagane,Qai biliraki au ina ligadra na daucaka ca.+
12 Au a sega ni lomaleqa, ia e vorolaki au+ o koya,E taura na usouso ni domoqu qai qaqi au,Qai biuti au meu nona takete.
13 Era wavokiti au na nona dauvana,+E vida na noqu ivi+ qai sega ni bau loloma,E sova ina qele na noqu katonisuasua.
14 E basuraki au vakavica,E cicivi au me vaka na tamata qaqa.
15 Au cula vata na isulutaga me ubia na kuliqu,+Au buluta na kequ lagilagi* ena kuvuniqele.+
16 E wadadamu na mataqu ena tagi,+Qai loaloa na dakudakunimataqu,
17 E sega ni voravora na ligaquQai savasava noqu masu.
18 O iko vuravura, kua ni ubia na noqu dra!+
Me kua tale ga ni dua na icegucegu ni noqu tagi!
19 Ena gauna mada ga qo, e tiko mai lomalagi na noqu ivakadinadina,E tiko mai cake o koya e rawa ni vosa ena vukuqu.
20 Eratou vakalialiai au na noqu itokani+Ni tuturu na wainimataqu vua na Kalou.+
21 Me dua e vakataulewa vua na tamata kei na Kalou,Me vaka ga vua na tamata kei na wekana.+
22 Ni sa vo ga qo e vica na yabaki,Au na qai lakova yani na sala ena sega ni lesuvi mai.+
iVakamacala e ra
^ Se “kaukaua.” Ipe., “ileu.”
