Jope 18:1-21
18 E qai kaya o Pilitati+ na kawa i Sua:
2 “Ena vakacava na dede ni nomu vosa va qori?
Vakaraitaka mada ni o yalomatua me rawa ni keitou vosa.
3 Na cava o nanuma kina ni keitou manumanu,+Me keitou lialia* e matamuni?
4 Ke o basuraki iko mada ga ena nomu cudru,Vakaevei ena biu wale tu o vuravura ena vukumu,Se na qiqi laivi na vatu mai na kena vanua?
5 Io ena boko na nona cina na daucaka ca,Qai sega ni serau na yameyame ni nona bukawaqa.+
6 Ena buto mai na rarama ena nona valelaca,Ena boko tale ga na nona cina.
7 E sa malumu na kaukaua ni nona kalawa,Ena vakabalei koya ga na nona ivakasala.+
8 Ni na kauti koya ina lawa na yavana,Ena qai butuka na kena lawalawa.
9 Ena coriti na bukubukuniyavana ena dai,Ena toboki koya na icori.+
10 E vunitaki ena qele na kena dali,Qai tu e nona sala na dai.
11 Ena vakarerei koya na veika vakadomobula ena veiyasana+Ra qai cicimuria na yavana.
12 Sa oti mai nona kaukaua,Ena taceba* tale ga ena vuku ni leqa.+
13 Sa kanilaki na kuliniyagona,Sa kania na yavana kei na ligana na mate rerevaki duadua.*
14 E cavuraki mai na veitaqomaki ni nona valelaca+Qai kau yani vua na tui dauveivakarerei.*
15 Era na tawana nona valelaca na vulagi,Ena ceburaki ena nona itikotiko na sulifure.+
16 Ena mamaca mai rukuna na wakana,Qai malai mai cake na tabana.
17 Ena takali mai vuravura na kena ivakananumi,Ena sega ni kilai* na yacana e gaunisala.
18 Ena cemuri mai na rarama ina butobutoQai vakatalai laivi mai na vanua vuavuaivinaka.
19 Ena sega na luvena kei na nona kawa vei ira na wekana,Ena sega tale ga ni dua e bula ena vanua e tiko kina.*
20 Ni yaco mai nona siga, era na kidacala na tiko ena RaEna qai vesuki ira na tiko ena Tokalau na rere.
21 Qo na ka ena yaco ina nona valelaca na daucaka calaKei na nona vanua o koya e sega ni kila na Kalou.”
iVakamacala e ra
^ Se rawa ni, “dukadukali.”
^ Se “gera.”
^ Ipe., “na ulumatua kei mate.”
^ Ipe., “na mate vakadomobula.”
^ Ipe., “ena sega na yacana.”
^ Se “na vanua e tiko vakalekaleka kina.”
