Jope 19:1-29
19 E qai kaya o Jope:
2 “Ena vakacava na dede ni nomudou vakararawataki au,+Na nomudou vakayalolailaitaki au ena vosa?+
3 Sa vakatini nomudou vosataki au,Dou sega ni maduataka nomudou vakararawataki au tiko.+
4 Ia keu cala dina,E tiko ga vei au na noqu cala.
5 Ke dou via vakacerecerei kemudou tiko vei au,Ni dou tukuna ni dodonu meu cudruvi,
6 Dou kila ni Kalou ga e vakacalai au,Qai toboki au ena nona lawa ni vakasasa.
7 Raica! Au kailavaka voli, ‘Na iValavala kaukaua!’ ia e sega ni dua e rogo mai,+Au tagi tiko ga ni kere veivuke, ia e sega na lewadodonu.+
8 E sogota noqu sala ena lalagavatu, au qai sega ni takoso rawa,E ubia na noqu sala ena butobuto.+
9 Sa luvata tani na kequ lagilagiQai kauta tani mai uluqu na isala vakaturaga.
10 E talaraki au ena veiyasana me yacova niu yali,E cavuraka noqu inuinui me vaka na vunikau.
11 E waqa vei au na nona cudru,Qai raici au meu kena meca.+
12 Era tuvaivalu nona sotia mera ravuti au,Ra qai keba wavokita na noqu valelaca.
13 E kauti ira na wekaqu mera yawaki au,Ra qai gole tani vei au na noqu veikilai.+
14 Era sa yali na noqu itokani voleka,Ra qai guilecavi au o ira au kila vinaka.+
15 O ira na vulagi e noqu vale+ kei ira na noqu yalewa bobula era sa guilecavi au,Au kaitani e matadra.
16 Au kaciva noqu dauveiqaravi, ia e sega ni rogo mai,Au vakamasuti koya e gusuqu me bau lomani au.
17 Na noqu icegu sa boica vei watiqu,+Ra qai vakasisilataki au na wekaqu* dina.
18 Era cati au mada ga na gone,Niu tucake, era vakalialiai au.
19 Era sevaki au kece na noqu itokani voleka,+Era saqati au tale ga o ira au dau lomana.+
20 Sa kabita na suiqu na kuliqu kei na lewequ,+Ia au dro bula ena kuli ni batiqu.
21 Dou lomani au, na noqu itokani, dou lomani au,Ni sa tarai au na liga ni Kalou.+
22 Na cava dou vakacacani au tiko kina me vaka na Kalou,+Dou sega ni oca* na vakararawataki au?+
23 Ke volai mada ga na noqu vosa,Ke volai mada ga ena dua na ivola!
24 Me ceuti vakadua ena vatu,Ena penikaukamea kei na uma!
25 Au kila vinaka ni bula tiko na noqu ivakabula,*+Ena muri mai qai tu e dela i vuravura.*
26 Ni sa rusa na kuliniyagoqu,Ni se tiko ga na lewequ, au na raica na Kalou,
27 Au na raici koya sara ga,Ena raica ga na mataqu, sega tale ni dua.+
Ia e lomaqu, au sega ni cakava rawa e dua na ka!*
28 Ni dou kaya, ‘Keitou vakacacani koya tiko vakacava?’+
Ni sa tu ga vei au na vu ni leqa.
29 Dou rerevaka na iseleiwau,+Ni iseleiwau ena veitotogitaki ena cala,Mo dou kila ni tiko na turaganilewa.”+
iVakamacala e ra
^ Ipe., “na luve ni noqu katonigone,” oya na katonigone a vakasucumi au (na katonigone i tinaqu).
^ Ipe., “sega ni lomavakacegu ena lewequ.”
^ Se “dauveivoli lesu.”
^ Ipe., “dela ni (ena) kuvuniqele.”
^ Se “sa sega ni vinaka na noqu ivi.”
