Jope 20:1-29
20 E kaya sara o Sofa+ na kai Neama:
2 “Qo na vuna e uqeti au kina noqu nuiqawaqawa meu vosaEna vuku ni leqa au sa vakila.
3 Au sa rogoca na veivakadodonutaki au beci kina,Qai uqeti au na noqu yalomatua* meu vosa.
4 Dou sa dau kila tu na ka qo,Ni se va tu qo mai na gauna sara e biu kina na tamata* e vuravura,+
5 Ni lekaleka wale nodra kaila ni marau na daucaka caQai tini koso na marau i koya e sega ni vakabauta na Kalou.*+
6 Ke lako cake i lomalagi nona cecereQai tara na uluna na o,
7 Ena seavu vakadua me vaka ga nona valelailai,Era na kaya na dau raici koya, ‘I vei o koya?’
8 Ena vuka tani vaka na tadra, era na sega tale ga ni kunei koya,Ena cemuri tani vaka na raivotu ena bogi.
9 Sa na sega ni raici koya tale na mata a raici koya,Ena sega ni raici koya tale na nona itikotiko.+
10 Era na qara na luvena na nodra veivakadonui na dravudravua,Na ligana ena qai vakasuka na nona iyau.+
11 Sa sinai na suina ena kaukaua vakacauravou,Ia ena* davo vata kei koya ena kuvuniqele.
12 Ke kamica e gusuna na ka ca,Ke vunia ena ruku ni yamena,
13 Ke taleitaka vakalevu qai sega ni biutaIa e kubuta tiko ga e gusuna,
14 Na kena kakana ena vuki me gaga e lomana,Ena vaka na poisoni ni gata uluraba e lomana.
15 Ena luaraka mai na iyau sa tiloma,Ena vakalala mai ketena na Kalou.
16 Ena domica na weli gaga ni gata uluraba,Ena vakamatei koya na batigaga* ni gata.
17 Ena sega vakadua ni raica na waidrodro,Na dave ni sucu kei na oni.
18 Ena vakasuka na ka e taukena, ena sega ni vakayagataka,*Ena sega ni marautaka na iyau e rawata mai na nona veivoli.+
19 Ni sa vakasaurarataki ira, qai biuti ira na dravudravua,E kovea na vale a sega ni bau tara.
20 Ena sega ni vakila na vakacegu,Na nona iyau ena sega ni vukei koya me dro.
21 Sa sega ni vo tu e dua na ka me kania,Ena sega gona ni dede na nona rawaka.
22 Ni vutuniyau sara tu ga, ena rawai koya na nuiqawaqawa,Ena vakila na tarabi ni leqa kece e sotava.
23 Ni vakatawana na ketena,Ena tala yani vua na Kalou na nona cudru waqawaqa,Ena vakatauca me curuma nona iwawa.
24 Ena drovaka o koya na iyaragi kaukamea,Ena cokai koya na dakaititi kopa.
25 Ena ucuna mai dakuna e dua na gasau,Na iyaragi taliva mai na nona katonisuasua,Qai toboki koya na rere.+
26 Sa waraka tu nona iyau na butobuto loaloa,Ena yameci koya na bukawaqa e sega ni irivi,Na leqa levu ena waraki koya e tiko ena nona valelaca.
27 O lomalagi ena vakatakila nona cala,Ena vorati koya o vuravura.
28 Ena kuitaka nona vale na waluvu,Ena dave yani ena siga ni cudru ni Kalou.
29 Qo na ka e wasea na Kalou vua na daucaka ca,Na ivotavota sa lesia vua na Kalou.”
iVakamacala e ra
^ Ipe., “na yalo ni noqu kila ka.”
^ Se “kawatamata, Atama.”
^ Se “koya na vukitani.”
^ Oya na nona kaukaua.
^ Ipe., “yame.”
^ Ipe., “ena sega ni tiloma.”
