Jope 21:1-34
21 Sa qai kaya o Jope:
2 “Dou rogoca vinaka na ka au tukuna,Qo ga na veivakacegui mo dou solia vei au.
3 Dou vakarorogo mada meu vosa,Dou qai vakalialiai au niu sa vosa oti.+
4 Vakacava e baleta tiko e dua na tamata na noqu vosakudrukudru?
Ke dina, au* na sega ni yalototolo?
5 Dou raici au mai, dou qai wadra ena kurabui,Dou tabonaka na gusumudou ena ligamudou.
6 Au dau veilecayaki niu vakasamataka,Qai sautaninini na yagoqu taucoko.
7 Na cava era bula tiko ga kina na daucaka ca,+Era qase mai, ra qai vutuniyau?*+
8 Era dau tu vata ga kei luvedra,Ra qai raici ira na nodra kawa.
9 E dei na nodra vale, e sega kina na rere,+Qai sega ni totogitaki ira na Kalou ena nona kuita.
10 E vakawa na nodra bulumakau tagane,E vakasucu nodra bulumakau yalewa qai sega ni lutudole na luvena.
11 Era cici ituba na nodra gonetagane me vaka na qelenimanumanu,Ra qai veiladeyaki na luvedra.
12 Era lagasere lakovata na tibereli kei na apiRa qai marau ena irorogo ni bitunivakatagi.*+
13 Era vakayagataka nodra veisiga ena marauRa qai lako sobu ena vakacegu* ina iBulubulu.*
14 Ia era kaya vua na Kalou dina, ‘Ni biuti keimami!
Keimami sega ni via kila na nomuni ivalavala.+
15 O cei o koya e Kaukaua Duadua me keimami qaravi koya?+
Na cava keimami rawata ni keimami veikilai kei koya?’+
16 Ia au kila nira sega ni lewa rawa na nodra rawaka.+
E yawa vei au na nodra vakasama* na daucaka ca.+
17 E boko vakavica na nodra cina na daucaka ca?+
E yacovi ira vakavica na leqa tubukoso?
E tauca vakavica na Kalou na veivakarusai vei ira ena nona cudru?
18 Vakaevei era na vaka na tolonicovuata madu ni liwa mai na cagiQai vaka na qa ni covuata e cagina ni kaukaua na cagi?
19 Ena binia na Kalou na nona itotogi e dua ena vukudra na luvena.
Ia me saumi koya lesu na Kalou me kila kina.+
20 Me raica mada ga e matana na nona rusa,Me qai gunu mai na cudru waqawaqa i koya e Kaukaua Duadua.+
21 Na cava me kauaitaka tu o koya me baleti ira nona kawa era taravi koya maiKe muduki koso* na iwiliwili ni nona vula?+
22 Vakacava ena rawa vua e dua me vakavulica na Kalou ena kilaka,*+Ni o koya ga e lewai ira na vakaitutu?+
23 E mate e dua na turaga ni se tu vua na nona kaukaua kece+Ni wele sara tu ga qai lomavakacegu,+
24 Ni ivakamalumu ni sagana na uroRa qai kaukaua* nona sui.
25 Ia e mate e dua tale na tagane ena vusolo ni lomana,Ni se sega vakadua ni tovolea na veika vinaka.
26 Erau na davo vata ena kuvuniqele,+Ena qai ubi rau na ulo.+
27 Raica! Au kila vinaka na ka dou nanuma tikoKei na inaki ca dou via vakacalai au kina.*+
28 Ni dou kaya, ‘I vei na vale i koya e rogo,I vei tale ga na valelaca e vakaitikotiko kina na daucaka ca?’+
29 Dou sega ni tarogi ira na dauveilakoyaki?
Dou sega ni vulica vinaka na ka era vakadikeva,*
30 Oya ni na bula na tamata ca ena siga ni leqa tubukosoQai vakabulai ena siga ni cudru?
31 O cei ena tukuna vakadodonu vua na nona ivalavala,O cei ena sauma vua na ka e sa cakava?
32 Ni lave yani o koya ena ibulubulu,Ena yadravi tiko na nona ibulubulu.
33 Ena kamikamica vua na ibinibini qele ena buca,*+Qai muri koya* na kawatamata kece+Vakataki ira na sega ni wiliki rawa era liu vua.
34 Na cava gona dou solia kina vei au na vakacegu e tawayaga?+
E veivakaisini wale ga nomudou isaunitaro!”
iVakamacala e ra
^ Ipe., “na yaloqu.”
^ Se “kaukaua.”
^ Ipe., “paipi.”
^ Se “gauna lekaleka,” oya e mate totolo qai sega ni mosi.
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “ivakasala, inaki.”
^ Se “musu rua.”
^ Se “vakavulica na Kalou ena dua na ka.”
^ Ipe., “e suasua na uto ni nona sui.”
^ Se rawa ni, “ivalavala kaukaua vei au.”
^ Ipe., “ivakatakilakila.”
^ Se “waimaca.”
^ Ipe., “ena yarataki ira na kawatamata kece mera muri koya.”
